جموں, 24 اگست (ہ س)۔ محکمہ جنگلات کی جانب سے گورنمنٹ گرلز ہائی اسکول گاندھی نگر جموں میں شجرکاری مہم کا انعقاد کیا گیا، جس میں ڈویژنل کمشنر جموں اور ڈپٹی کمشنر جموں نے شرکت کی۔اس مہم کے تحت جموں ضلع کے تقریباً 815 اسکولوں میں 7 ہزار کے قریب پودے لگانے کا ہدف مقرر کیا گیا ہے۔ مہم کی نمایاں خصوصیت یہ ہے کہ جو طالب علم پودا لگائے گا، اسی کو اس کی دیکھ بھال کی ذمہ داری بھی سونپی جائے گی۔حکام کے مطابق اس اقدام کو ’پالنا‘کا نام دیا گیا ہے، جس کا مقصد بچوں میں ماحولیات کے تحفظ، شجرکاری اور پودوں کی نگہداشت کے تئیں ذمہ داری کا احساس پیدا کرنا ہے۔ مہم کے ذریعے طلبہ کو ماحولیاتی تحفظ میں فعال کردار ادا کرنے کے لیے بھی حوصلہ افزائی کی جا رہی ہے۔

ہندوستھان سماچار

---------------

ہندوستان سماچار / محمد اصغر