نئی دہلی، 16 اگست (ہ س)۔

پاکستان کرکٹ بورڈ (پی سی بی) نے اتوار کو آئندہ خواتین ایشیا کپ اور ایشیائی کھیلوں کے لیے 15 رکنی ٹیموں کا اعلان کر دیا۔ تیز گیند باز فاطمہ ثنا دونوں ٹورنامنٹس میں پاکستان کی کپتانی کریں گی۔

دی ہنڈریڈ میں شرکت کے باعث وہ حال ہی میں سری لنکا کے خلاف ٹی-20 سیریز میں نہیں کھیل سکی تھیں۔

خواتین ایشیا کپ کا انعقاد 28 اگست سے 13 ستمبر تک دبئی میں ہوگا۔ پاکستان کو گروپ اے میں بھارت، تھائی لینڈ اور ہانگ کانگ-چین کے ساتھ رکھا گیا ہے۔ پاکستان اپنی مہم کا آغاز یکم ستمبر کو تھائی لینڈ کے خلاف کرے گا، جبکہ 5 ستمبر کو اس کا مقابلہ بھارت سے ہوگا۔ 7 ستمبر کو پاکستان ہانگ کانگ-چین کے خلاف کھیلے گا۔

سیمی فائنل 10 اور 11 ستمبر کو، جبکہ فائنل 13 ستمبر کو کھیلا جائے گا۔

ایشیائی کھیلوں میں بھی فاطمہ قیادت کریں گی

جاپان میں ہونے والے ایشیائی کھیلوں میں بھی فاطمہ ثنا پاکستان کی کپتان ہوں گی۔ کرکٹ مقابلے 17 ستمبر سے آئچی کے کوروجی ایتھلیٹک پارک میں شروع ہوں گے۔ پاکستان 17 ستمبر کو کوارٹر فائنل میں تھائی لینڈ کا سامنا کرے گا۔ سیمی فائنل 20 ستمبر کو جبکہ کانسی اور طلائی تمغے کے مقابلے 22 ستمبر کو ہوں گے۔

پاکستان کی خواتین ٹیم اس سے قبل 2010 اور 2014 کے ایشیائی کھیلوں میں طلائی تمغہ جیت چکی ہے، جبکہ 2022 کے ایڈیشن میں ٹیم چوتھے مقام پر رہی تھی۔

ایشیا کپ کے لیے پاکستان کی ٹیم

فاطمہ ثنا (کپتان)، عائشہ ظفر، ایمان ناصر، ایمان فاطمہ، گل فیروزہ، مومنہ ریاست، منیبہ علی صدیقی (وکٹ کیپر)، نازیہ علوی، نشرہ سندھو، سعدیہ اقبال، سائرہ جابین، شوال ذوالفقار، طوبیٰ حسن، امِ ہانی اور وحیدہ اختر۔

ایشیائی کھیلوں کے لیے پاکستان کی ٹیم

فاطمہ ثنا (کپتان)، عالیہ ریاض، عائشہ ظفر، ایمان ناصر، ایمان فاطمہ، گل فیروزہ، حما بلال، مومنہ ریاست، منیبہ علی (وکٹ کیپر)، نشرہ سندھو، سائرہ زبیں، شوال ذوالفقار، تسمیہ رباب، طوبیٰ حسن اور امِ ہانی۔

ہندوستھان سماچار

ہندوستان سماچار / عطاءاللہ