نئی دہلی، 9 جولائی (ہ س):۔

بین الاقوامی مالیاتی فنڈ (آئی ایم ایف) کے بعد، ایشیائی ترقیاتی بینک (اے ڈی بی) نے مغربی ایشیا کے بحران کی وجہ سے توانائی کی قیمتوں میں ممکنہ اضافے کا حوالہ دیتے ہوئے، موجودہ مالی سال 2026-27 کے لئے ہندوستان کی مجموعی گھریلو پیداوار (جی ڈی پی) کی ترقی کی پیشن گوئی کو 6.90 فیصد سے کم کر کے 6.60 فیصد کر دیا ہے۔

جمعرات کو جاری کردہ ایشین ڈویلپمنٹ آو¿ٹ لک (اے ڈی او) جولائی 2026 کی رپورٹ میں، اے ڈی بی نے کہا کہ رواں مالی سال 2026-27 کے لیے ہندوستان کی اقتصادی ترقی کی پیشن گوئی کو کم کر کے 6.6 فیصد کر دیا گیا ہے۔ اس نے مالی سال 2027-28 کے لیے 7.3 فیصد پر اپنا تخمینہ بھی برقرار رکھا ہے۔ تاہم، اقتصادی ترقی میں اس کمی کے باوجود، ہندوستان دنیا کی سب سے تیزی سے ترقی کرنے والی بڑی معیشت ہے۔

ایشیائی ترقیاتی بینک کی رپورٹ میں کہا گیا ہے، رواں مالی سال 2026-27 کے لیے جی ڈی پی کی شرح نمو اپریل میں متوقع 6.9 فیصد سے کم ہو گئی ہے، کیونکہ توانائی کی اونچی قیمتیں حقیقی آمدنی پر دباو¿ ڈال رہی ہیں۔ رپورٹ کے مطابق مالی سال 2027-28 کے لیے اقتصادی ترقی کی پیشن گوئی اسی سطح پر رکھی گئی ہے جو اپریل میں تھی۔

ہندوستھان سماچار

ہندوستان سماچار / عطاءاللہ