حیدرآباد، 3 جولائی (ہ س) ۔

آندھرا پردیش کے مارکاپور ضلع میں جمعہ کی صبح ایک سڑک حادثہ میں چار افراد ہلاک اور متعدد زخمی ہوگئے۔ خیال کیا جاتا ہے کہ تمام مرنے والوں کا تعلق ایک ہی خاندان سے ہے، جو آٹو رکشا سے شادی کے لیے مندر جا رہے تھے۔

مارکاپور کے سب ڈویژنل پولیس آفیسر یو ناگا راجو نے بتایا کہ یہ حادثہ دوپہر ایک بجے کے قریب بنگلورو ہائی وے پر کمبم میں اس وقت پیش آیا جب دلہن پوجا کے لیے سڑک کے کنارے ونائک سوامی مندر گئی تھی۔ باقی لوگ باہر گاڑی میں انتظار کر رہے تھے۔ دلہن کے اہل خانہ نے اپنا آٹو رکشا مندر کے قریب روکا تھا کہ پیچھے سے ایک ٹرک نے انہیں ٹکر مار دی۔ چاروں افراد، دلہن کے دو بڑے بھائی، اس کی بھابھی اور ایک کزن موقع پر ہی دم توڑ گئے۔ مرنے والوں کی شناخت اوول الکانندا (19)، اوول انکلو (20)، اوول ناگیش (17) اور اوول ناگیشوری (2) کے طور پر کی گئی ہے۔ یہ سبھی گڈالور کے نالہ بندھا بازار کے رہنے والے تھے۔

خوش قسمتی سے، دلہن حادثے سے بچ گئی کیونکہ وہ اس وقت مندر کے اندر تھی۔ پولیس کا کہنا ہے کہ ٹرک ڈرائیور موقع سے فرار ہو گیا اور مزید تفتیش جاری ہے۔

ہندوستھان سماچار

ہندوستان سماچار / عطاءاللہ