شاملی، 17 جولائی (ہ س)۔وزیر اعلیٰ یوگی آدتیہ ناتھ نے جمعہ کو شاملی ضلع کا دورہ کیا۔ انہوں نے 581 کروڑ روپے کے 89 ترقیاتی منصوبوں کا افتتاح اور سنگ بنیاد رکھا۔ اس موقع پر اپنے خطاب میں انہوں نے سماج وادی پارٹی اور کانگریس پارٹی کو جناح کی پرستار پارٹیاں قرار دیا۔

وزیر اعلی یوگی آدتیہ ناتھ نے کہا کہ 2017 سے پہلے سونے والوں کی حکومت تھی۔ وہ ہمیشہ سوئے رہتے تھے۔ ڈیموگرافکس کو تبدیل کرنے کی کوشش کی جا رہی تھی۔ کانوڑ یاترا میں رکاوٹیں ڈالی جارہی تھیں۔ کرشن جنم اشٹمی منانا منع تھا۔ اب اتر پردیش بدل گیا ہے۔ شاملی ضلع کو گنے کی گنے کی مٹھاس ہے۔ دس سال پہلے شاملی لوگوں کے لیے ایک تجسس کا موضوع تھا۔ لوگ تلاش کرتے تھے کہ شاملی ضلع کہاں ہے، جہاں اتنازیادہ دہشت پھیلی ہوئی ہے۔ لوگ ہجرت کرنے پر مجبور تھے۔ کھلی غنڈہ گردی ہوتی تھی۔ کوئی بھی محفوظ نہیں تھا۔ ایک شرارت کے تحت ڈیموگرافی کو تبدیل کرنے کی سازشیں کی جا رہی تھیں۔ ترقیاتی کام ٹھپ ہو کر رہ گئے۔ نوجوان مایوس تھے، کسان خودکشی کرنے پر مجبور ہو گئے تھے۔ بہن بیٹیاں گھر سے نکلنے سے ڈرتی تھیں۔ صنعتیں تباہ ہو چکی تھیں۔ آج جب میں کیرانہ اور شاملی کو دیکھتا ہوں تو میرا دل خوشی سے بھر جاتا ہے۔ جس طرح پریاگ راج ماں گنگا، جمنا اور سرسوتی کے سنگم کے لیے جانا جاتا تھا، اسی طرح مغربی اتر پردیش میں ہمارا شاملی اب دہلیõدہرا دون ایکسپریس وے، شاملیõامبالا ایکسپریس وے، اور گورکھپورõشاملی ایکسپریس وے کا سنگم بن چکا ہے۔ یہ بنیادی ڈھانچہ مستقبل میں ہماری شاملی کو این سی آر کے سب سے خوشحال اضلاع میں شامل کرے گا۔

وزیر اعلیٰ یوگی آدتیہ ناتھ نے اپنی حکومت کی کامیابیوں کی فہرست شمار کراتے ہوئے کہا کہ مرکزی اور ریاستی حکومتیں شاملی کی ترقی کے لیے مل کر کام کر رہی ہیں۔ یوگی نے کہا کہ آزاد ہندوستان کی تاریخ میں چودھری چرن سنگھ کے بعد اگر کسی نے شوگر ملوں کے لیے کام کیا ہے تو وہ سابق وزیر سریش رانا تھے۔ آج ان کی وجہ سے 122 شوگر ملیں کام کر رہی ہیں۔ گنے کی قیمت 400 روپے فی کوئنٹل تک بڑھا دی گئی ہے۔ 2007 سے 2017 کے درمیان ایس پیõبی ایس پی حکومتوں کے دوران 29 شوگر ملیں بند ہوئیں۔ ان ملوں کو دوبارہ کام میں لایا جا رہا ہے۔ آج اتر پردیش چینی اور ایتھنول کی پیداوار میں نمبر ون بن گیا ہے۔ ایس پی اور کانگریس جناح کی پرستارہیں۔ ان کے دور میں ہجرت ہو رہی تھی۔ ہم گنے کے کاشتکاروں کے پرستار ہیں۔ جناح کے پرستار صرف آپ کو تقسیم کرنے کا کام کریں گے۔

ہندوستھان سماچار

ہندوستان سماچار / Mohammad Khan