مرشدآباد، 24 جون (ہ س)۔

پولیس نے منگل کی رات کالی گنج میں چھ سالہ تمنا خاتون کو ہلاک کرنے والے بم حملے کے دو اور ملزمان کو گرفتار کر لیا۔ اس کیس میں گرفتار ملزموں کی تعداد 13 ہو گئی ہے۔

پولیس کے مطابق کالی گنج تھانے نے دو ملزمان ضیاء الشیخ اور صابر شیخ کو مرشد آباد کے ریجی نگر اور نادیہ ضلع کے پالشی پاڑا سے گرفتار کیا۔

قابل ذکر ہے کہ چھ سالہ تمنا خاتون 23 جون 2025 کو ایک بم حملے میں ماری گئی تھی، جس دن کالی گنج اسمبلی ضمنی انتخاب کے نتائج کا اعلان ہوا تھا۔ یہ الزام لگایا گیا تھا کہ لڑکی ترنمول کانگریس کی جیت کی ریلی سے پھینکے گئے بم کی زد میں آئی تھی۔ اس واقعہ نے ریاست بھر میں سیاسی تنازعہ کو جنم دیا۔ اس سے قبل پولیس نے اس کیس کے سلسلے میں 11 افراد کو گرفتار کیا تھا۔

منگل کو تمنا کی والدہ شبینہ یاسمین نے ریاست کے موجودہ وزیر اعلی شوبھیندودھیکاری سے ملاقات کی اور اپنی بیٹی کی موت کے ذمہ دار تمام افراد کی گرفتاری کا مطالبہ کیا۔ وزیراعلیٰ نے انہیں کارروائی کا یقین دلایا۔

وزیر اعلیٰ سے ملاقات کے چند گھنٹے بعد ہی پولیس نے مزید دو ملزمان کو گرفتار کر لیا۔ پولیس باقی ملزمان کی گرفتاری کے لیے کوششیں جاری رکھے ہوئے ہے۔ کرشن نگر پولس ضلع انتظامیہ نے بھی یقین دہانی کرائی ہے کہ باقی ملزمان کو جلد ہی گرفتار کر لیا جائے گا۔

ہندوستھان سماچار

ہندوستان سماچار / عطاءاللہ