گاندھی نگر، 13 مئی (ہ س)۔ پیٹرول اور ڈیزل کی بچت، کار پولنگ اور غیر ضروری اخراجات کو کم کرنے کی وزیر اعظم نریندر مودی کی اپیل کا گجرات میں خاصا اثر ہوا ہے۔ وزیر اعظم نے خود اپنے ایس پی جی قافلے میں گاڑیوں میں 50 فیصد کمی کا حکم دیا ہے۔ گجرات یونیورسٹی نے بھی کارپولنگ نافذ کرنے کا فیصلہ کیا ہے۔ وزیراعلیٰ نے اپنا قافلہچھوٹا کر دیا ہے۔ گورنر نے ایس ٹی بس اور ٹرین سے سفر کرنے کا فیصلہ کیا ہے۔

وزیر اعلی بھوپیندر پٹیل نے امریلی ضلع کے راجولا کے دورہ کے دوران سادگی اور ماحولیاتی تحفظ کا پیغام کی۔ عام طور پر وزیر اعلیٰ کے قافلے میں 10 سے زیادہ گاڑیاں شامل ہوتی ہیں لیکن اس بار وہ صرف دو کاروں کے ساتھ راجولا پہنچے۔ گورنر آچاریہ دیوورت نے اب ہیلی کاپٹر اور ہوائی جہاز کی خدمات کے بجائے ایس ٹی بس اور ٹرین سے سفر کرنے کا فیصلہ کیا ہے۔ گورنر نے اپنے قافلے میں گاڑیوں کی تعداد کو بھی کم سے کم رکھنے کا فیصلہ کیا ہے۔ انہوں نے شہریوں سے بھی اپیل کی ہے کہ وہ آلودگی کو کم کرنے کے لیے سائیکلوں اور الیکٹرک گاڑیوں کا زیادہ سے زیادہ استعمال کریں۔

وزیر مملکت برائے داخلہ ہرش سنگھوی نے بھی وزیر اعظم کی اپیل پر دھیان دیتے ہوئے اپنا دورہ امریکہ منسوخ کر دیا ہے۔ انہوں نے مئی کے آخری ہفتے میں فیڈریشن آف گجراتی ایسوسی ایشنز آف یو ایس اے کے کنونشن میں شرکت کرنا تھی، لیکن وزیر اعظم کی جانب سے ایک سال کے لیے غیر ملکی دورے ملتوی کرنے کی اپیل کے بعد اپنا دورہ ملتوی کر دیا۔

ہندوستھان سماچار

ہندوستان سماچار / محمد شہزاد