کشن گنج، 13 مئی (ہ س)۔ بہارمیں کشن گنج ضلع کے ٹھاکر گنج بلاک واقع جیا پوکھر تھانہ علاقہ کے ملین گاؤں پنچایت واقع گلہاری گاؤں میں ایم ایس نہار اینٹ بھٹہ میں غیر قانونی طور سے گیس سلنڈروں کے ذخیرہ اندوزی معاملے میں انتظامیہ نے بڑی کارروائی کی ہے۔معاملے کو لیکر بلاک سپلائی افسر سمیت کمار کی درخواست پر جیا پوکھر تھانہ علاقہ میں ایف آئی آر درج کی گئی ہے۔ معلومات کے مطابق ضلع مجسٹریٹ وشال راج کی ہدایت پر انتظامی ٹیم نے اینٹ بھٹہ احاطے میں مشترکہ طور پر چھاپہ ماری کی۔ چھاپہ ماری کے دوران اینٹ بھٹہ احاطے سے مجموعی طور پر 62 گیس سلنڈر برآمد ہوئے۔ ان میں 54 گھریلو گیس سلنڈر، 8 کمرشل سلنڈر اور 1 چھوٹا گیس سلنڈر شامل ہے۔تفتیش کے دوران جائے وقوعہ پر موجود اہلکاروں سے سلنڈروں سے متعلق درست دستاویزات مانگی گئیں لیکن کوئی تسلی بخش دستاویزات پیش نہیں کی گئیں۔ انتظامی اہلکاروں نے تمام برآمد شدہ سلنڈر ضبط کر کے فہرست تیار کر لی۔ اس کے بعد پولیس فورس کی مدد سے سلنڈروں کو ٹرک پر لاد کر پواکھلی کے گیس گودام میں بھیج دیا گیا۔بتایا گیا ہے کہ چھاپہ ماری کے وقت اینٹ بھٹہ مالک اکرام الحق موقع پر موجود نہیں تھے۔ بلاک سپلائی افسر کے ذریعہ دئے گئے درخواست میں کہا گیا ہے کہ بغیر کسی جائز لائسنس کے گھریلو اور کمرشل گیس سلنڈروں کی بڑی مقدار کو ذخیرہ کرنا مائع پٹرولیم گیس (ریگولیشن آف سپلائی اینڈ ڈسٹری بیوشن) آرڈر 2000 اور ایکٹ 1955 کی خلاف ورزی کرتا ہے۔ جیا پوکھر تھانہ انچارج گوتم کمار نے بتایا کہ اس معاملے میں فرسٹ انفارمیشن رپورٹ (ایف آئی آر) درج کی گئی ہے۔ پولیس نے مقدمہ نمبر 32/26 درج کر لیا ہے۔ مزید قانونی کارروائی جاری ہے۔ تھانہ انچارج نے بتایا کہ ضبط شدہ سلنڈروں میں 49 خالی گھریلو سلنڈر، 5 بھرے گھریلو سلنڈر اور 8 چھوٹے بھرے کمرشل سلنڈر شامل ہیں۔ انتظامیہ کو اطلاع ملی کہ اینٹ بھٹے پر گیس سلنڈر غیر قانونی طور پر ذخیرہ کیے جا رہے ہیں جس کے بعد مشترکہ چھاپہ ماری کی گئی ۔ چھاپہ ماری کے دوران ایس ڈی او انیکیت کمار، معدنیات کی ترقی کے افسر پرنو کمار پربھاکر، ڈی ایس پی، انسپکٹر، ریونیو افسر راہل کمار، محکمہ محنت کے افسران، اور جیا پوکھر اور پوکھلی تھانہ کی پولیس ٹیم موجود تھی۔ہندوستھان سماچار

ہندوستان سماچار / Mohammad Afzal Hassan