بیجنگ، 8 اپریل (ہ س) ۔

بھارت کے ابھرتے ہوئے اسٹار، آیوش شیٹی نے شاندار کارکردگی کا مظاہرہ کرتے ہوئے عالمی نمبر 7 اور ہانگ کانگ اوپن 2025 کے چمپئن لی شی فینگ کو سیدھے گیمز میں 21-13، 21-16 سے شکست دے کر ایک بڑا اپ سیٹ کیا۔ اس جیت کے ساتھ ہی آیوش پری کوارٹر فائنل میں پہنچ گئے۔

لی شی فینگ نے پہلی گیم مضبوطی سے شروع کی لیکن آیوش نے 4-4 سے برابری کر دی۔ اس کے بعد میچ 7-7 تک برابر رہا لیکن وہاں سے ہندوستانی کھلاڑی نے قابو پالیا۔ آیوش، یو ایس اوپن 2025 کے چمپئن نے جارحانہ انداز میں کھیلا، مسلسل پوائنٹس اسکور کیے اور پہلا گیم 21-13 سے جیتا۔

دوسری گیم میں بھی چینی کھلاڑی نے ابتدائی طور پر دباو¿ ڈالا اور برتری حاصل کی۔ تاہم، آیوش نے کئی بار اسکور کو برابر کیا اور 13-13 کے بعد میچ کا رخ ہی بدل دیا۔ اس نے لگاتار چھ پوائنٹس جیت کر میچ 21-16 سے ختم کیا۔ میچ کل 51 منٹ تک جاری رہا۔

بیڈمنٹن ایشین چمپئن شپ میں ہندوستان کی بہترین کارکردگی دو طلائی تمغے رہی ہے — دنیش کھنہ نے 1965 میں مردوں کا سنگلز ٹائٹل جیتا تھا اور 2023 میں ساتوک سائراج رینکی ریڈی-چراغ شیٹی نے مردوں کا ڈبلز ٹائٹل جیتا تھا۔

ہندوستھان سماچار

ہندوستان سماچار / عطاءاللہ