نئی دہلی، 7 اپریل (ہ س): ٹاٹا کی قیادت والی ایئر لائن ایئر انڈیا کے چیف ایگزیکٹو آفیسر (سی ای او) اور منیجنگ ڈائریکٹر (ایم ڈی) کیمپبل ولسن نے اپنے عہدے سے استعفیٰ دے دیا ہے۔ ایئر لائن نے ان کے جانشین کی تلاش کے لیے ایک کمیٹی تشکیل دی ہے۔

ایئر لائن کے مطابق، ولسن نئے جانشین کا اعلان ہونے تک بطور سی ای او اور منیجنگ ڈائریکٹر رہیں گے۔ ایئر لائن نے کہا کہ ولسن نے 2024 میں ایئر انڈیا کے چیئرمین این چندر شیکھرن کو 2026 میں مستعفی ہونے کے اپنے ارادے سے آگاہ کیا۔ تب سے، وہ اس بات کو یقینی بنانے کے لیے کام کر رہے ہیں کہ تنظیم اور قیادت کی ٹیم تبدیلی کے لیے مستحکم پوزیشن میں ہو۔

ایئر انڈیا نے کہا کہ کمپنی کے بورڈ آف ڈائریکٹرز نے آنے والے مہینوں میں نئے سربراہ کی تقرری کے لیے ایک کمیٹی تشکیل دی ہے تاکہ اس کا جانشین تلاش کیا جا سکے۔ نیوزی لینڈ سے تعلق رکھنے والے کیمبل ولسن گزشتہ چار سالوں سے ٹاٹا گروپ کی ملکیت والی ایئر انڈیا ایئر لائن کے سی ای او اور منیجنگ ڈائریکٹر کے طور پر خدمات انجام دے رہے تھے۔

---------------

ہندوستان سماچار / عبدالسلام صدیقی