نئی دہلی، 30 اپریل (ہ س)۔ مغربی ایشیا میں جاری تناو کا جلد حل نہیں ہونے کے خدشے اور بین الاقوامی بازار میں خام تیل کی قیمت میں آئی زوردار تیزی کی وجہ سے گلوبل مارکیٹ سے آج کمزوری کے اشارے مل رہے ہیں۔ امریکی بازار گزشتہ سیشن کے دوران مسلسل دباو میں کاروبار کرتے رہے۔ ڈاو جونز فیوچرز بھی آج کمزوری کے ساتھ کاروبار کرتا ہوا نظر آ رہا ہے۔ یورپی بازار میں بھی گزشتہ سیشن کے دوران مسلسل فروخت ہوتی رہی۔ وہیں ایشیائی بازار میں آج دباو کے درمیان ملا جلا کاروبار ہو رہا ہے۔
مغربی ایشیا میں جاری کشیدگی کی وجہ سے امریکی بازار میں گزشتہ سیشن کے دوران گھبراہٹ کا ماحول بنا رہا۔ اس گھبراہٹ کی وجہ سے وال اسٹریٹ کے انڈیکس گزشتہ سیشن کے کاروبار کے بعد گراوٹ کے ساتھ بند ہوئے۔ ڈاو جونز 280 پوائنٹس کی گراوٹ کا شکار ہو گیا۔ اسی طرح ایس اینڈ پی 500 انڈیکس نے 0.04 فیصد کی کمزوری کے ساتھ گزشتہ سیشن کے کاروبار کا اختتام کیا۔ حالانکہ نیس ڈیک 0.04 فیصد کی معمولی مضبوطی کے ساتھ 24,673.24 پوائنٹس کی سطح پر بند ہونے میں کامیاب رہا۔ ڈاو جونز فیوچرز آج فی الحال 243.70 پوائنٹس یعنی 0.50 فیصد کی کمزوری کے ساتھ 48,618.11 پوائنٹس کی سطح پر کاروبار کرتا ہوا نظر آرہا ہے۔
یورپی بازار میں بھی گزشتہ سیشن کے دوران مسلسل دباو برقرار رہا۔ ایف ٹی ایس ای انڈیکس 119.68 پوائنٹس یعنی 1.17 فیصد گر کر 10,213.11 پوائنٹس کی سطح پر بند ہوا۔ اسی طرح سی اے سی انڈیکس نے 0.40 فیصد گراوٹ کے ساتھ 8,072.13 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ ڈی اے ایکس انڈیکس 0.27 فیصد کی کمزوری کے ساتھ 23,954.56 پوائنٹس کی سطح پر بند ہوا۔
ایشیائی بازار میں آج ملا جلا کاروبار ہو رہا ہے۔ ایشیا کے نو اہم بازاروں میں سے چھ کے انڈیکس گراوٹ کے ساتھ سرخ نشان میں کاروبار کر رہے ہیں، جبکہ تین انڈیکس مضبوطی کے ساتھ سبز نشان میں برقرار ہیں۔ اسٹریٹس ٹائمز انڈیکس 0.68 فیصد کی تیزی کے ساتھ 4,893.97 پوائنٹس کی سطح پر کاروبار کر رہا ہے۔ اسی طرح تائیوان ویٹیڈ انڈیکس 195.68 پوائنٹس یعنی 0.50 فیصد کے اضافے کے ساتھ 39,499.18 پوائنٹس کی سطح پر پہنچ گیا ہے۔ اس کے علاوہ شنگھائی کمپوزٹ انڈیکس 0.09 فیصد کی مضبوطی کے ساتھ 4,111.02 پوائنٹس کی سطح پر آ گیا ہے۔
دوسری جانب، گفٹ نفٹی 316 پوائنٹس یعنی 1.30 فیصد کی کمزوری کے ساتھ 23,940 پوائنٹس کی سطح پر کاروبار کر رہا ہے۔ اسی طرح نکیئی انڈیکس 747.46 پوائنٹس یعنی 1.25 فیصد کی گراوٹ کے ساتھ 59,170 پوائنٹس کی سطح پر آ گیا ہے۔ جکارتہ کمپوزٹ انڈیکس میں آج بڑی گراوٹ نظر آ رہی ہے۔ فی الحال یہ انڈیکس 158.10 پوائنٹس یعنی 2.23 فیصد گراوٹ کے ساتھ 6,943.13 پوائنٹس کی سطح پر آ گیا ہے۔ اس کے علاوہ ہینگ سینگ انڈیکس 347.84 پوائنٹس یعنی 1.33 فیصد گر کر 25,764 پوائنٹس کی سطح پر، سیٹ کمپوزٹ انڈیکس 0.53 فیصد کی کمزوری کے ساتھ 1,483.78 پوائنٹس کی سطح پر اور کوسپی انڈیکس 0.49 فیصد کی گراوٹ کے ساتھ 6,658.29 پوائنٹس کی سطح پر کاروبار کر رہے ہیں۔
ہندوستھان سماچار
---------------
ہندوستان سماچار / انظر حسن
