دہرادون، 3 اپریل (ہ س)۔ اتراکھنڈ کے اقلیتی بہبود کے وزیر کھجن داس نے جمعہ کو اسمبلی کے آڈیٹوریم میں محکمہ کے افسران کے ساتھ ایک جائزہ میٹنگ کی۔ وزیر نے محکمہ اقلیتی بہبود کے تحت ہو رہے کاموں کے بارے میں دریافت کیا۔ انہوں نے موجود تمام ممبران سے تجاویز طلب کیں اور اس بات پر تبادلہ خیال کیا کہ محکمہ کے تحت مزید عوامی فلاحی کام کیسے کئے جا سکتے ہیں۔

میٹنگ میں وزیر نے عہدیداروں کو ہدایت دی کہ وہ محکمہ اقلیتی بہبود کے ذریعہ کئے جارہے کاموں سے عوام کو واقف کروائیں اور عوامی بہبود کی اسکیموں کو ہورڈنگس اور دیگر تشہیر کے ذریعہ شیئر کریں۔ وزیر نے کہا کہ وزیر اعلیٰ پشکر سنگھ دھامی کی قیادت میں حکومت اقلیتوں کی بہبود کے لیے پرعزم ہے۔ انہوں نے کہا کہ محکمہ کی طرف سے کئے جا رہے کاموں کی وقتاً فوقتاً نگرانی کی جائے۔ انہوں نے یہ بھی کہا کہ اگر کام کرنے کا عزم ہو تو تمام کام بخوبی مکمل ہو سکتے ہیں۔

وزیر نے کہا کہ ہمارا مقصد عوام کے ساتھ ساتھ ریاست کی بھی ترقی ہے۔ انہوں نے کہا کہ آئندہ اجلاس میں نئے حقائق کا جائزہ لیا جائے گا۔ انہوں نے محکمہ کی طرف سے فراہم کردہ وظائف کے بارے میں بھی معلومات حاصل کیں۔ انہوں نے تجویز دی کہ اسکالرشپ کیمپس کا انعقاد کیا جائے اور عوامی نمائندوں کے ذریعے تقسیم کیا جائے تاکہ لوگ اسکیم کے بارے میں جان سکیں۔

وزیر نے چیف منسٹرا سکلز سکیم کے تحت این جی اوز کے ذریعے ہنرمندی کی ترقی کے کاموں کا بھی جائزہ لیا۔ انہوں نے زور دیا کہ عوامی نمائندوں کو بھی ہنر مندی کے پروگراموں سے آگاہ کیا جائے۔

اس موقع پر اسپیشل سکریٹری پراگ مدھوکر دھکاتے، ڈپٹی سکریٹری ایچ ایس بسیڑا، چیرمین مدرسہ بورڈ مفتی شمعون قاسمی، چیرمین وقف بورڈ شاداب شمس، نائب صدر اقلیتی کمیشن فرزانہ بیگم وغیرہ موجود تھے۔

---------------

ہندوستان سماچار / عبدالسلام صدیقی