نئی دہلی، 21 اپریل (ہ س)۔ وزیر اعظم نریندر مودی نے آدی شنکراچاریہ جینتی کے مبارک موقع پر عظیم فلسفی اور روحانی استاد آدی شنکراچاریہ کو خراج عقیدت پیش کیا۔

سوشل میڈیا پلیٹ فارم 'ایکس' پر پوسٹ کیے گئے ایک پیغام میں، وزیر اعظم نے کہا کہ آدی شنکراچاریہ ہندوستان کے سب سے بڑے روحانی چراغوں میں سے ایک ہیں، جن کی تعلیمات، افکار اور ادویت ویدانت کا فلسفہ آج تک دنیا بھر میں بے شمار لوگوں کی رہنمائی کرتا ہے۔

انہوں نے نوٹ کیا کہ شنکراچاریہ نے ہم آہنگی، نظم و ضبط اور تمام وجود کے بنیادی اتحاد پر زور دیا۔ ان کی کوششوں نے روحانی گفتگو کو زندہ کیا اور ملک بھر میں روحانی مراکز کے قیام کے ذریعے پائیدار تحریک فراہم کی۔ اپنے پیغام میں وزیر اعظم نے اس امید کا اظہار کیا کہ آدی شنکراچاریہ کی حکمت اور ترغیب لوگوں کے راستے کو روشن کرتی رہے گی اور سماج کو سچائی، ہمدردی اور اجتماعی بھلائی کے لیے پرعزم بنائے گی۔

---------------

ہندوستان سماچار / عبدالسلام صدیقی