اندور، 02 اپریل (ہ س)۔ ہندوستانی فوج میں اگنی ویر بھرتی ریلی 2027 کے لیے درخواست دینے کی خاطر آرمی بھرتی دفتر مہو کی جانب سے اشتہار جاری کیا گیا ہے۔ اندور اور اجین ڈویژن کے 15 اضلاع کے اہل اور خواہش مند نوجوان اس آرمی بھرتی ریلی کے لیے درخواست دے سکتے ہیں۔

رابطہ عامہ کے افسر مہیپال اجے نے جمعرات کو معلومات دیتے ہوئے بتایا کہ بھرتی ریلی میں حصہ لینے کے لیے آن لائن رجسٹریشن کا عمل شروع ہو چکا ہے۔ امیدوار 10 اپریل 2026 تک اپنی درخواست بھر سکتے ہیں۔ خواہش مند امیدوار بھارتی فوج کی آفیشل ویب سائٹ www.joinindianarmy.nic.in پر جا کر رجسٹریشن کر سکتے ہیں۔

تعلیمی قابلیت اور دیگر اہلیت سے متعلق تفصیلی معلومات اشتہار یا مذکورہ ویب سائٹ سے حاصل کی جا سکتی ہیں۔ انتخابی عمل کے تحت تحریری امتحان، فزیکل ایفیشنسی ٹیسٹ، فزیکل فٹنس ٹیسٹ، دستاویزات کی تصدیق، میڈیکل معائنہ اور اہلیت کی جانچ وغیرہ کے مراحل شامل رہیں گے۔ امیدواروں سے اپیل کی گئی ہے کہ وہ مقررہ تاریخ سے قبل درخواست دے کر ضروری معلومات کا مطالعہ ضرور کریں، تاکہ بھرتی کے عمل میں کسی قسم کی زحمت نہ ہو۔

ہندوستھان سماچار

---------------

ہندوستان سماچار / انظر حسن