امپھال، 18 اپریل (ہ س) منی پور کے اکھرول ضلع میں نیشنل ہائی وے 202 پر نامعلوم حملہ آوروں نے دو لوگوں کو گولی مار کر ہلاک کر دیا۔ ہلاک ہونے والوں میں ایک سابق فوجی اہلکار بھی شامل ہے۔ واقعہ سے علاقے میں کشیدگی کا ماحول ہے۔

پولیس کے مطابق واقعہ اکھرول ضلع کے حساس علاقے میں اس وقت پیش آیا جب دونوں افراد ایک گاڑی میں جا رہے تھے۔ تاک میں بیٹھے حملہ آوروں نے اندھا دھند فائرنگ کر دی جس سے وہ موقع پر ہی ہلاک ہو گئے۔

سکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔ حکام نے ہفتے کے روز بتایا کہ حملہ آوروں کی شناخت اور گرفتاری کے لیے کوششیں جاری ہیں۔

واقعے کے بعد مقامی حکام نے علاقے میں سیکیورٹی سخت کردی ہے۔ پولیس نے عوام سے امن برقرار رکھنے کی اپیل کی ہے اور کہا ہے کہ معاملے کی سنجیدگی سے تحقیقات کی جارہی ہے۔

---------------

ہندوستان سماچار / عبدالسلام صدیقی