علی گڑھ, 31 مارچ (ہ س)دہلی سے کانپور جانے والی ریلوے لائن پر علی گڑھ کے کلوا اور مہراؤل اسٹیشن کے درمیان ایک تقریباً 60 سالہ نامعلوم بزرگ کی لاش برآمد ہوئی ہے۔ ابتدائی اطلاعات کے مطابق بزرگ کی موت ممکنہ طور پر چلتی ٹرین سے گرنے کے باعث ہوئی ہے۔

راجیش کمار، تھانہ گبھانا کے انچارج نے بتایا کہ متوفی کی عمر قریب 60 سال ہے اور لاش دو دن پرانی معلوم ہوتی ہے۔ متوفی نے کرتا، سفید پاجامہ اور سرخ بنیان پہن رکھی تھی۔

پولیس کے مطابق تاحال لاش کی شناخت نہیں ہو سکی ہے۔ اس سلسلے میں قریبی تھانوں کو اطلاع دے دی گئی ہے اور متوفی کی شناخت کے لیے کوششیں جاری ہیں۔

---------------

ہندوستان سماچار / سید کامران علی گڑھ