علی گڑھ, 31 مارچ (ہ س)علی گڑھ ضلع میں گندم کی سرکاری خریداری کا آغاز ہو گیا، مگر پہلے ہی دن تمام خریداری مراکز پر سنّاٹا دیکھا گیا۔ 84 مراکز قائم کیے جانے کے باوجود کہیں بھی خریداری کا عمل شروع نہیں ہو سکا، جس کی وجہ سے کسان مجبوراً کھلے بازار کی طرف گئے۔
حکومت کی طرف سے گندم کی کم از کم حمایت قیمت (MSP) 2585 روپے فی کوئنٹل مقرر کی گئی ہے، لیکن اس کا فائدہ کسانوں تک نہیں پہنچ پا رہا۔ فوری نقد رقم کی ضرورت کے سبب کسان آڑھتیوں کو تقریباً 265 روپے فی کوئنٹل کم قیمت پر گندم فروخت کرنے پر مجبور ہیں۔
کسانوں کا کہنا ہے کہ سرکاری مراکز پر ادائیگی RTGS کے ذریعے 72 گھنٹے یا اس سے زیادہ وقت میں ہوتی ہے، جبکہ آڑھتی موقع پر نقد ادائیگی کر دیتے ہیں۔ یہی وجہ ہے کہ کسان کم قیمت پر بھی اپنی فصل بیچنے پر مجبور ہیں۔
دھنپور منڈی کے ایک خریداری مرکز پر پہلے دن ایک بھی کسان گندم لے کر نہیں پہنچا۔ جبکہ گبھانا تحصیل کے سومنا کوآپریٹو کمیٹی کے مراکز اب تک فعال نہیں ہو سکے ہیں۔
کئی جگہ بنیادی انتظامات کی کمی بھی سامنے آئی ہے، جہاں الیکٹرانک تول مشین، نمی ماپنے کا آلہ، بورے اور بینر تک موجود نہیں ہیں۔ کرن پور، کاؤرہ رستم پور، چنداؤس، پیساوا اور بروالی کے مراکز کی صورتحال بھی ایسی ہی بتائی جا رہی ہے۔
اس صورتحال نے کسانوں کی مشکلات میں اضافہ کر دیا ہے اور سرکاری انتظامات پر سوالات اٹھا ئے
---------------
ہندوستان سماچار / سید کامران علی گڑھ
