پٹنہ، 22 مارچ (ہ س)۔ وزیر اعلی نتیش کمار نے تاریخی گاندھی میدان میں یوم بہار تقریبات 2026 (22-24 مارچ) کا باضابطہ طور افتتاح اتوار کے روز شمع روشن کرکےاور غبارہ اڑا کر کیا ۔

محکمہ تعلیم کے ایڈیشنل چیف سکریٹری ڈاکٹر بی راجندر نے پھولوں کے گلدستے سے وزیر اعلیٰ کا استقبال کیا۔ بہار کے 114 ویں یوم تاسیس کے موقع پر منعقد ہونے والے تین روزہ پروگرام کا تھیم اُنّت بہار، اجول بہار ہے۔

یوم بہار تقریبات 2026 کا افتتاح کرنے سے پہلے وزیر اعلیٰ نے پٹنہ کے تاریخی گاندھی میدان میں مختلف محکموں کی طرف سے کئے گئے ترقیاتی کاموں کی نمائش کا دورہ کیا۔ انہوں نے ایک نمائش کا بھی دورہ کیا جس میں بہار اسٹیٹ ڈیزاسٹر منیجمنٹ اتھارٹی کی طرف سے لاگو اسکیموں کی نمائش کی گئی تھی۔

بہار اسٹیٹ ڈیزاسٹر منیجمنٹ اتھارٹی کے وائس چیئرمین ڈاکٹر ادے کانت نے وزیر اعلیٰ کا گلدستے سے استقبال کیا۔ وزیراعلیٰ نے محکمہ تعلیم کے پویلین میں لگائی گئی نمائش کا بھی دورہ کیا۔ دورے کے دوران انہوں نے معذور طلباء کے لیے سائنس لیبارٹری، آرٹ روم، اسمارٹ کلاس، ووکیشنل ایجوکیشن روم، اٹل ٹنکرنگ لیب، آئی سی ٹی روم، ایکو کلب چلڈرن پارلیمنٹ، پلے روم، نپن روم اور چلڈرن گارڈن کا معائنہ کیا۔

وزیر تعلیم سنیل کمار نے وزیر اعلیٰ کو پھولوں کا گلدستہ پیش کرتے ہوئے ان کا استقبال کیا۔ نائب وزیر اعلیٰ سمراٹ چودھری، نائب وزیر اعلیٰ وجے کمار سنہا، آبی وسائل کے وزیر وجے کمار چودھری، وزیر توانائی بجیندر پرساد یادو، وزیر تعلیم سنیل کمار، دیہی تعمیرات کے وزیر اشوک چودھری، وزیر زراعت رام کرپال یادو، پنچایتی راج کے وزیر دیپک پرکاش، ایگزیکٹیو نیشنل صدر اور ایم پی سنجے کمار جھا، قانون ساز کونسلر للن صراف، بہار اسٹیٹ ڈیزاسٹر مینجمنٹ اتھارٹی کے وائس چیئرمین ادے کانت، دیگر سینئر افسران اور عوام کی بڑی تعداد اس موقع پر موجود تھی۔

ہندوستھان سماچار

ہندوستان سماچار / Mohammad Afzal Hassan