کامیابی کے منتر پروگرام کا انعقاد کشابھاو ٹھاکرے انٹرنیشنل آڈیٹوریم میں کیا جائے گا۔

بھوپال، 22 مارچ (ہ س)۔ مدھیہ پردیش کے وزیراعلیٰ ڈاکٹر موہن یادو یو پی ایس سی امتحان میں منتخب ہو کر ملک بھر میں ریاست کا نام روشن کرنے والے 61 امیدواروں سے پیر کو خطاب کریں گے اور ان کی عزت افزائی کریں گے۔

رابطہ عامہ افسر راجیش داہیما نے اتوار کو معلومات دیتے ہوئے بتایا کہ پروگرام میں منتخب امیدوار اپنی محنت، جدوجہد اور کامیابی کی کہانیاں وزیراعلیٰ ڈاکٹر یادو کے ساتھ شیئر کریں گے۔ پروگرام کا انعقاد محکمہ اعلیٰ تعلیم کی جانب سے پیر 23 مارچ کو بھوپال میں واقع کشابھاو ٹھاکرے آڈیٹوریم میں کیا جا رہا ہے۔

انہوں نے بتایا کہ اس منعقدہ ’کامیابی کے منتر‘ پروگرام میں وزیراعلیٰ ڈاکٹر موہن یادو محکمہ اعلیٰ تعلیم کی جانب سے تیار کردہ ’ٹیلنٹ کا پرچم‘ کتابچہ اور اس کے ڈیجیٹل ورژن کا اجرا کریں گے۔ پروگرام میں وزیر اعلیٰ تعلیم اندر سنگھ پرمار اور ایڈیشنل چیف سکریٹری انوپم راجن موجود رہیں گے۔

ہندوستھان سماچار

---------------

ہندوستان سماچار / انظر حسن