جلگاؤں ، 20 مارچ (ہ س) ۔ جلگاؤں ضلع کے چالیس گاؤں شہر میں پولیس اور فوڈ اینڈ ڈرگ ایڈمنسٹریشن (ایف ڈی اے) کی مشترکہ کارروائی میں بڑی مقدار میں خوشبودار تمباکو اور گٹکا ضبط کیا گیا ہے۔ یہ کارروائی اوزر گاؤں کے قریب انجام دی گئی۔ پولیس کو خفیہ اطلاع ملنے کے بعد ایک جال بچھایا گیا اور مشتبہ گاڑی کی تلاشی لی گئی، جس میں بڑی مقدار میں خوشبودار گٹکھا اور تمباکو برآمد ہوا۔ اس کارروائی کے دوران کل 37 لاکھ 75 ہزار 200 روپے مالیت کا سامان ضبط کیا گیا۔حکام کے مطابق ضبط شدہ مال میں تقریباً 96 بوریاں شامل ہیں، جن میں ’ویمل‘ سمیت دیگر اقسام کے خوشبودار تمباکو موجود تھے، جبکہ تقریباً 12 لاکھ روپے مالیت کی ایک گاڑی بھی قبضے میں لی گئی ہے۔ اس معاملے میں شہزاد احمد یعقوب محمد، ساکن نو ساری (گجرات) کو گرفتار کیا گیا ہے، جس سے پولیس مزید تفتیش کر رہی ہے۔ہندوستھان سماچار
--------------------
ہندوستان سماچار / جاوید این اے
