اجیت پوار کے طیارہ حادثے پر اسمبلی میں بحث نہ ہونے پر امول مٹکری کی تنقیدممبئی، 16 مارچ (ہ س)۔ مہاراشٹر اسمبلی کے جاری اجلاس میں سابق نائب وزیر اعلیٰ اجیت پوار کے طیارہ حادثے سے متعلق اب تک کوئی باضابطہ بحث نہ ہونے پر نیشنلسٹ کانگریس پارٹی (اجیت پوار) کے رکن قانون ساز کونسل امول مٹکری نے حکومت پر سوالات اٹھائے ہیں۔ اجیت پوار کی موت 28 جنوری 2026 کو بارامتی کے قریب پیش آنے والے ایک طیارہ حادثے میں ہوئی تھی۔ اسمبلی اجلاس کے آغاز پر یہ توقع کی جا رہی تھی کہ اس واقعے پر ایوان میں تفصیلی گفتگو ہوگی، تاہم اجلاس کے تیسرے ہفتے میں داخل ہونے کے باوجود یہ معاملہ زیر بحث نہیں آیا۔اس صورتحال پر ردعمل ظاہر کرتے ہوئے امول مٹکری نے سوشل میڈیا پر ایک پیغام جاری کیا جس میں انہوں نے افسوس کا اظہار کرتے ہوئے کہا کہ ایک ایسا رہنما جس نے عام لوگوں کے انصاف کے لیے زندگی بھر جدوجہد کی، آج اس کے اپنے معاملے میں انصاف کا انتظار ہو رہا ہے۔ انہوں نے سوال اٹھایا کہ آیا کوئی “غیر مرئی طاقت” اس مسئلے کو اسمبلی میں اٹھنے سے روک رہی ہے۔ مٹکری نے حکومت کو تنقید کا نشانہ بناتے ہوئے پوچھا کہ کیا وہ اس معاملے پر خاموش تماشائی بنی ہوئی ہے۔ انہوں نے مطالبہ کیا کہ طیارہ حادثے کی مکمل حقیقت سامنے لائی جائے اور ذمہ دار افراد کا تعین کیا جائے تاکہ عوام کو حقیقت معلوم ہو سکے۔ہندوستھان سماچار--------------------

ہندوستان سماچار / جاوید این اے