پنویل میں لاپتہ لڑکی شہریوں اور پولیس کی کوششوں سے مل گئی، والدہ کے حوالےرائے گڑھ ، 16 مارچ (ہ س)۔ مہاراشٹر کے پنویل شہر میں لاپتہ ہونے والی ایک لڑکی کو شہریوں کی بروقت اطلاع اور مقامی نمائندوں کی کوششوں کے بعد بحفاظت تلاش کر کے پولیس کے ذریعے اس کی والدہ کے حوالے کر دیا گیا۔ پولیس کے مطابق لڑکی پٹیل محلہ علاقے سے لاپتہ ہوئی تھی جس کے بعد اس کی ماں نے پنویل سٹی پولیس اسٹیشن میں گمشدگی کی شکایت درج کرائی تھی۔اسی دوران مقامی شہریوں نے معاملے کی اطلاع کارپوریٹر راجو سونی کو دی جس کے بعد لڑکی کی تلاش شروع کی گئی۔ تلاش کے دوران پتہ چلا کہ لڑکی مرچی گلی کے علاقے میں موجود ہے۔ اطلاع ملتے ہی راجو سونی اور ان کے ساتھی مندر دیسائی موقع پر پہنچے اور لڑکی کو اپنی تحویل میں لے کر پولیس اسٹیشن لے گئے۔ پولیس نے لڑکی کی ماں سے رابطہ کر کے اسے تھانے بلایا اور لڑکی کو بحفاظت اس کے حوالے کر دیا۔اس موقع پر پنویل سٹی پولیس اسٹیشن کے پولیس انسپکٹر نتین ٹھاکرے اور دیگر پولیس اہلکاروں نے کارپوریٹر راجو سونی اور مندر دیسائی کی بروقت مدد اور ذمہ داری کا مظاہرہ کرنے پر ان کا شکریہ ادا کیا۔لڑکی کی والدہ نے بھی دونوں افراد کے تعاون پر اظہار تشکر کیا۔ہندوستھان سماچار
--------------------
ہندوستان سماچار / جاوید این اے
