یکم اپریل سے انڈوں پر چھپائی لازمی، قوانین پر سختی سے عمل کیا جائے گا

پریاگ راج، 14 مارچ (ہ س)۔ انسانی صحت کے تحفظ کو مدنظر رکھتے ہوئے یکم اپریل سے انڈوں پر لازمی طور پر چھپائی (مارکنگ) کرنے کا فیصلہ کیا گیا ہے۔ اس سلسلے میں اے پی سی کی صدارت میں منعقدہ میٹنگ میں ضروری ہدایات جاری کی گئی ہیں۔ یہ معلومات ہفتہ کو پریاگ راج کے چیف ویٹرنری آفیسر نے دی۔

انہوں نے بتایا کہ انسانی صحت کے تحفظ کے پیش نظر میٹنگ میں طے کیا گیا کہ انڈوں کی شناخت اور معیار کو یقینی بنانے کے لیے ان پر متعلقہ معلومات کی چھپائی لازمی کی جائے گی۔ اس کے لیے مرغی پالنے والوں اور لیئر فارم آپریٹرز کے درمیان بیداری مہم چلائی جائے گی، تاکہ تمام لوگ وقت رہتے اس نظام کو اپنائیں۔

انہوں نے بتایا کہ انڈے براہ راست انسانی صحت سے وابستہ مصنوعات ہیں، اس لیے ان کے معیار اور ٹریسیبلٹی (سراغ رسانی) کو یقینی بنانا ضروری ہے۔ اسی مقصد سے انڈوں پر چھپائی کا نظام نافذ کیا جا رہا ہے۔ انہوں نے کہا کہ یکم اپریل سے اس قانون پر سختی سے عمل کرایا جائے گا۔ اس کے لیے متعلقہ محکموں کو ہدایات دی گئی ہیں کہ وہ مرغی پالنے والوں اور لیئر فارم مالکان کے درمیان وسیع بیداری مہم چلائیں، تاکہ تمام لوگ مقررہ معیارات پر عمل کر سکیں۔

ہندوستھان سماچار

---------------

ہندوستان سماچار / انظر حسن