فائنل میچ 6 فروری کو اے جی پنجاب سے ہوگا

پریاگ راج، 4 فروری (ہ س)۔

انڈین آڈٹ اینڈ اکاو¿نٹس ڈیپارٹمنٹ کے زیر اہتمام نارتھ ریجنل مینز ہاکی چمپئن شپ 2 سے 6 فروری تک سیکٹر 42 ہاکی اسٹیڈیم چنڈی گڑھ میں اے جی پنجاب کے زیر اہتمام منعقد ہو رہی ہے۔ بدھ کو کھیلے گئے دوسرے سیمی فائنل میچ میں اے جی اتر پردیش نے اے جی ہریانہ کو سنسنی خیز مقابلے میں 3-2 سے شکست دے کر فائنل میں جگہ بنالی۔

میچ کے شروعات کے ساتھ ہی دونوں ٹیموں کے درمیان سخت مقابلہ نظر آیا ۔ 10ویں منٹ میں اے جی یوپی کے نبین نے پنالٹی کارنر سے شاندار ڈریگ فلک گول کرکے اپنی ٹیم کو برتری دلادی۔ اس کے بعد ہریانہ نے 19ویں منٹ میں گول برابر کر دیا۔

عمران خان سینئر نے اے جی یوپی کے لیے شاندار فیلڈ گول کرکے ٹیم کو برتری دلائی۔ 35ویں منٹ میں ہریانہ نے ایک اور گول کرکے اسکور برابر کردیا۔ میچ کا فیصلہ کن لمحہ آخری لمحات میں آیا جب نبین نے ایک بار پھر پنالٹی کارنر سے گول کر کے اے جی یوپی کے لیے فاتحانہ گول کر کے ٹیم کو فائنل میں پہنچا دیا۔

اے جی یو پی کے راجیش کمار تیواری نے کہا کہ سنگم سنگھ، عمران جونیئر اور گول کیپر انکت ملک کی کارکردگی خاص طور پر قابل ستائش تھی۔ پوری ٹیم نے متحد اور بہترین کھیل کا مظاہرہ کیا۔ فائنل میچ اے جی پنجاب کے خلاف 6 فروری کو دوپہر 2 بجے کھیلا جائے گا۔

ہندوستھان سماچار

ہندوستان سماچار / عطاءاللہ