وزیر اعظم مودی نیشنل والی بال مقابلے کے کھلاڑیوں سے ورچوئل خطاب کریں گے

وارانسی، 03 جنوری (ہ س)۔ اترپردیش کے نائب وزیر اعلیٰ برجیش پاٹھک اور وارانسی کے میئر اشوک تیواری کی دعوت پر وارانسی میں 4 جنوری کو سمپورنانند اسٹیڈیم میں منعقد سینئر نیشنل والی بال مقابلے کے افتتاحی سیشن میں کھلاڑیوں سے وزیر اعظم نریندر مودی ورچوئل خطاب کریں گے۔

وارانسی کے میئر اشوک تیواری نے بتایا کہ پہلی بار بین الاقوامی سطح کا والی بال مقابلہ وارانسی میں سمپورنانند اسٹیڈیم میں ہونے جا رہا ہے۔ نیشنل والی بال مقابلے میں مختلف ریاستوں سے 30 ٹیمیں آ رہی ہیں، جن میں 28 ٹیمیں خواتین کی بھی ہیں۔ ریاستوں سے پولیس ٹیمیں اور فوج کی مردوں کی ٹیم اور ریلوے کی خواتین ٹیم کو کھیلتے دیکھنے میں لطف آنے والا ہے۔

میئر نے بتایا کہ افتتاحی سیشن میں وزیر اعلیٰ یوگی آدتیہ ناتھ اور نائب وزیر اعلیٰ برجیش پاٹھک موجود رہیں گے۔ افتتاحی تقریب میں کھلاڑیوں کے علاوہ بی جے پی کے مہا نگر، ضلع، علاقے کے تمام عہدیداران، عوامی نمائندے اور کونسلر، سرگرم کارکن بھی موجود رہیں گے۔

ہندوستھان سماچار

---------------

ہندوستان سماچار / انظر حسن