یش راج فلمز کی سپرہٹ فرنچائز مردانی اپنی تیسری قسط کے ساتھ واپسی کے لیے تیار ہے۔ مردانی 3 میں رانی مکھرجی کی واپسی ان کے مشہور کردار شیوانی شیواجی رائے کے طور پر ہے۔ حال ہی میں ریلیز ہونے والے ٹریلر کو شائقین اور فلم انڈسٹری دونوں کی جانب سے زبردست ردعمل ملا ہے۔ عالیہ بھٹ اور کرینہ کپور جیسے ستارے پہلے ہی ٹریلر کی تعریف کر چکے ہیں، اور اب ساو¿تھ کی سپر اسٹار نینتارا بھی اس میں شامل ہو گئی ہیں۔

نینتارا نے ٹریلر کو 'آگ' کہا نینتارا نے 'مردانی 3' کے ٹریلر پر اپنی خوشی کا اظہار کیا اور اپنی انسٹاگرام اسٹوری پر ایک دل جیت لینے والا نوٹ لکھا۔ انہوں نے لکھا، ایک اور واحد ملکہ۔ رانی مکھرجی۔ مردانی 3 کا ٹریلر... بالکل آگ ہے! آپ جیسا کوئی نہیں ہے! میں اب 2 سال سے اس فلم کا انتظار کر رہی ہوں۔ نینتارا کے ردعمل نے فلم کے بارے میں مداحوں میں جوش و خروش کو مزید بڑھا دیا ہے۔

’مردانی 3‘ کے ٹریلر سے نہ صرف نینتارا بلکہ میگا اسٹار امیتابھ بچن بھی متاثر ہوئے۔ انہوں نے ٹریلر کو سوشل میڈیا پلیٹ فارم ایکس پر شیئر کرتے ہوئے میکرز کو مبارکباد دیتے ہوئے لکھا، ”میری بہت نیک خواہشات“۔

'مردانی' فرنچائز 7 سال بعد واپسی کر رہی ہے۔ یش راج فلمز کے بینر تلے تیار ہونے والی 'مردانی' پہلی بار 2014 میں ریلیز ہوئی تھی، جس میں رانی مکھرجی کے مضبوط پولیس افسر اوتار کو ناظرین نے بے حد پسند کیا تھا۔ اس کے بعد وشال جیٹھوا نے 2019 میں ریلیز ہونے والی 'مردانی 2' میں ولن کے طور پر اپنی اداکاری سے سب کو حیران کر دیا تھا۔ اب تقریباً 7 سال بعد فرنچائز کی تیسری فلم 'مردانی 3' سینما گھروں کی زینت بننے جا رہی ہے۔ فلم کی ہدایات ابھیراج میناوالا نے دی ہیں اور یہ 30 جنوری کو سینما گھروں میں ریلیز کی جائے گی۔ ٹریلر کو ملنے والے زبردست ردعمل کو دیکھتے ہوئے یہ واضح ہے کہ شائقین 'مردانی 3' کا بے صبری سے انتظار کر رہے ہیں۔

---------------

ہندوستان سماچار / عبدالسلام صدیقی