جکارتہ، 21 جنوری (ہ س)۔ دو بار کے اولمپک میڈلسٹ پی وی سندھو اور سابق عالمی نمبر ایک کدامبی سری کانت نے انڈونیشیا ماسٹرز 2026 بیڈمنٹن ٹورنامنٹ میں متاثر کن کارکردگی کا مظاہرہ کرتے ہوئے اپنے اپنے میچ جیت کر دوسرے راو¿نڈ میں قدم رکھا۔

خواتین کے سنگلز میں پانچویں سیڈ سندھو نے جاپان کی منامی سویزو کو 53 منٹ کے سخت مقابلے میں 20-22، 18-21 سے شکست دی۔ سندھو نے سیدھے گیمز میں جیتنے کے لیے اہم لمحات میں ہمت کا مظاہرہ کیا۔

مردوں کے سنگلز میں دنیا کے 33 ویں نمبر کے کدامبی سری کانت نے شاندار مقابلہ کیا اور ایک گھنٹہ 12 منٹ تک جاری رہنے والے سنسنی خیز مقابلے میں عالمی نمبر 22 کوکی واتنابے (جاپان) کو 15-21، 21-23، 22-24 سے شکست دی۔

سری کانت کا اب چوتھی سیڈ چاو¿ تیئن چن (چینی تائپے) سے مقابلہ ہوگا، جنہوں نے پہلے راو¿نڈ میں آئرلینڈ کے ناٹ نگوین کو 14-21، 15-21 سے شکست دی۔

تاہم، یہ دوسرے ہندوستانی کھلاڑیوں کے لیے مایوس کن دن تھا۔ مردوں کے سنگلز میں کرن جارج کو پہلے راو¿نڈ میں انڈونیشیا کے محمد ذکی عبید اللہ سے 21-17، 21-14 سے شکست کا سامنا کرنا پڑا۔

خواتین کے سنگلز میں آکرشی کشیپ بھی ابتدائی راو¿نڈ سے آگے بڑھنے میں ناکام رہیں۔ وہ ڈنمارک کی جولی ڈیول جیکوبسن سے 8-21، 20-22، 21-17 سے ہار گئیں۔

مکسڈ ڈبلز میں ہندوستان کی مہم پہلے راو¿نڈ میں ختم ہوگئی۔ روہن کپور اور روتھویکا گڈے کی جوڑی کو چوتھی سیڈ فرانسیسی جوڑی تھوم گیکیل اور ڈیلفائن ڈیلرو سے 21-9، 22-20، 21-6 سے شکست ہوئی۔ دھرو کپیلا اور تنیش کرسٹو کو فرانس کے جولین مائیو اور لیا پالرمو سے 21-23، 22-20، 21-6 سے شکست ہوئی۔ اس طرح، پہلے راو¿نڈ کے بعد، ہندوستانی چیلنج چنندہ کھلاڑیوں تک محدود ہو گیا ہے۔

---------------

ہندوستان سماچار / عبدالسلام صدیقی