نئی دہلی، 17 جنوری (ہ س) ۔ملک کے سب سے بڑے چھوٹے مالیاتی بینک اے یو سمال فائنانس بینک نے انسٹی ٹیوٹ آف کمپنی سیکرٹریز آف انڈیا (آئی سی ایس آئی) کے ارکان کے لیے خصوصی بینکنگ سہولیات کا اعلان کیا ہے۔اے یو اسمال فائنینس بینک نے ہفتے کے روز آئی سی ایس آئی کے ساتھ مفاہمت کی ایک یادداشت پر دستخط کیے ہیں تاکہ ملک بھر میں کمپنی سیکرٹریوں کے لیے تیار کردہ بینکنگ اور کریڈٹ کارڈ کے حل پیش کیے جا سکیں۔بینک نے ایک بیان میں کہا کہ مفاہمت نامے کا مقصد آئی سی ایس آئی اراکین کو جامع بینکنگ خدمات فراہم کرنا اور بینک کے اندر کمپنی سیکریٹریوں کے لیے روزگار کے مواقع پیدا کرنا ہے۔ اس شراکت داری کے تحت آئی سی ایس آئی ممبران خصوصی طور پر ڈیزائن کردہ کرنٹ اور سیونگ اکاو¿نٹ سروسز اور پیشہ ورانہ طور پر متعلقہ کریڈٹ کارڈ سے مستفید ہوں گے۔ فوائد گورننس، کام کے انتظام، اور ذاتی مالیات کی روزمرہ کی ضروریات کو پورا کرنے کے لیے بنائے گئے ہیں۔بینک نے کہا کہ بینک اہل افراد کے لیے 'زینتھ کریڈٹ کارڈ' بھی پیش کر رہا ہے، جو ہمیشہ مفت ہوگا اور اس میں سفری مراعات اور ملکی اور بین الاقوامی لاو¿نجز تک مفت رسائی شامل ہوگی۔ہندوستھان سماچار

ہندوستان سماچار / Mohammad Khan