نئی دہلی، 12 جنوری (ہ س)۔ عالمی شیئر بازاروں میں آج مضبوطی کے آثار نظر آ رہے ہیں۔ امریکی بازار گزشتہ سیشن میں اضافے کے ساتھ بند ہونے میں کامیاب رہے۔ تاہم، ڈاؤ جونز فیوچرز آج گراوٹ کے ساتھ کاروبار کرتا ہوا نظر آ رہاہے۔ یورپی بازاروں میں بھی گزشتہ سیشن کے دوران تیزی کا رجحان برقرار رہا۔ جبکہ ایشیائی بازاروں میں آج عام طور پر تیزی ہے۔

گزشتہ سیشن کے دوران امریکی مارکیٹ میں مسلسل خریدار ی دیکھنے میں آئی جس کی وجہ سے وال اسٹریٹ انڈیکس مضبوطی کے ساتھ بند ہونے میں کامیاب رہے۔ ڈاؤ جونز انڈیکس میں زبردست اضافہ ہوا اور 49,500 پوائنٹس کی ریکارڈ سطح پر پہنچ گیا۔ اسی طرح ایس اینڈ پی 500 انڈیکس گزشتہ سیشن کے دوران 0.65 فیصد اضافے کے ساتھ 6966.28 پوائنٹس پر بند ہوا۔ اس کے علاوہ نیس ڈیک نے 201.81 پوائنٹس یعنی 0.86 فیصد چھلانگ لگا کر پچھلے سیشن کا کاروبار 23681.83 پوائنٹس کی سطح پر ختم کیا۔ تاہم، امریکی فیڈرل ریزرو کے چیئرمین جیروم پاول کے خلاف مجرمانہ تحقیقات کے آغاز کی وجہ سے، ڈاؤ جونز فیوچرز اس وقت 204.71 پوائنٹس یعنی 0.41 فیصد کی کمی کے ساتھ 49299.36 پوائنٹس پر ٹریڈ کر رہا ہے۔

امریکی مارکیٹ کی طرح یورپی مارکیٹ میں بھی گزشتہسیشن کے دوران تیزی رہی۔ ایف ٹی ایس ای انڈیکس 0.79 فیصد اضافے کے ساتھ 10124.60 پوائنٹس پر بند ہوا۔ اسی طرح سی اے سی انڈیکس 118.62 پوائنٹس یعنی 1.42 فیصد اضافے کے ساتھ آخری سیشن 8362.09 پوائنٹس پر بند ہوا۔ اس کے علاوہ ڈی اے ایکس انڈیکس 134.18 پوائنٹس یعنی 0.53 فیصد اضافے کے ساتھ 25261.64 پوائنٹس پر بند ہوا۔

ایشیائی بازاروں میں آج عام طور پر تیزی کا رجحان ہے۔ نو ایشیائی مارکیٹ انڈیکس میں سے سات اضافے کے ساتھ ٹریڈ کر رہے ہیں، جبکہ دو کمی کے ساتھ سرخ نشان میں ہیں۔گفٹ نفٹی 161 پوائنٹس یعنی 0.62 فیصد کی کمی کے ساتھ 25655 پوائنٹس پر ٹریڈ کر رہا ہے۔ اسی طرح ایس اینڈ پی کمپوزٹ انڈیکس 0.83 فیصد گر کر 1243.63 پوائنٹس پر آگیا ہے۔

دوسری جانب اسٹریٹس ٹائمز انڈیکس 0.60 فیصد اضافے کے ساتھ 4772.96 پوائنٹس پر ٹریڈ کر رہا ہے۔ اسی طرح کوسپی انڈیکس 0.87 فیصد اضافے کے ساتھ 4626.31 پوائنٹس پر پہنچ گیا ہے۔ نکیئی انڈیکس نے بھی آج نمایاں چھلانگ لگائی ہے۔ یہ انڈیکس 8220.63 پوائنٹس یعنی 1.58 فیصد اضافے کے ساتھ 51939.89 پوائنٹس پر ٹریڈ کر رہا ہے۔

اسی طرح، تائیوان ویٹڈ انڈیکس 312.73 پوائنٹس یعنی 1.03 فیصد اضافے کے ساتھ 30601.69 تک پہنچ گیا۔ ہینگ سینگ انڈیکس 247.21 پوائنٹس یعنی 0.94 فیصد اضافے کے ساتھ 26479 پر پہنچ گیا۔ شنگھائی کمپوزٹ انڈیکس 0.75 فیصد بڑھ کر 4151.14 پر اور جکارتہ کمپوزٹ انڈیکس 0.23 فیصد اضافے کے ساتھ 8957.10 پوائنٹس پر کاروبار کر رہے ہیں۔

ہندوستھان سماچار

ہندوستان سماچار / محمد شہزاد