واشنگٹن، 02 جون (ہ س)۔ امریکہ کے جنوبی کیلیفورنیا میں ہفتے کی رات دو پولیس اہلکاروں پر گھات لگا کر حملہ کیا گیا۔ اس حملے میں ایک اہلکار ہلاک ہو گیا۔ یہ فائرنگ لاس اینجلس کاؤنٹی شہر کے بالڈون پارک میں پیسیفک ٹائم کے مطابق شام 7 بج کر 12 منٹ پر ہوئی۔

اے بی سی نیوز کے مطابق لاس اینجلس کاونٹی کے شیرف رابرٹ جی لونا نے اتوار کی نصف شب کے قریب ایک پریس کانفرنس میں کہا کہ مشتبہ شخص نے دو پولیس افسران کو خبردار کرنے کے بعد فائرنگ کر دی۔ بالڈون پارک کی میئر الیجینڈرا اویلا نے کہا کہ پولیس افسر سیموئیل ریوروس اس حملے میں مارا گیا۔

لاس اینجلس کاؤنٹی شیرف کا محکمہ ریوروس کو لنکن ہائٹس میں لاس اینجلس جنرل میڈیکل سینٹر لے گیا۔ مرکز میں ڈاکٹروں نے انہیں مردہ قرار دے دیا۔ بالڈون پولیس ڈیپارٹمنٹ نے تعزیت کا اظہار کرتے ہوئے کہا کہ سیموئیل ریوروس ایک بہادر پولیس افسر تھے۔ وہ ہماری یادوں میں ہمیشہ زندہ رہے گا۔

فائرنگ سے زخمی ہونے والے پولیس افسر انتھونی پیمنٹل کا لاس اینجلس کے جنرل میڈیکل سینٹر میں علاج کیا جا رہا ہے۔ لاس اینجلس کاو¿نٹی کے شیرف رابرٹ جی لونا نے کہا کہ مشتبہ شخص کو حراست میں لے لیا گیا ہے۔ اس کے پاس سے ایک رائفل برآمد ہوئی ہے۔

ہندوستھان سماچار

ہندوستان سماچار / محمد شہزاد