لندن، 15 جون (ہ س)۔ اتوار کو لندن کے لی ویلی ہاکی اینڈ ٹینس سینٹر میں ایف آئی ایچ ہاکی پرو لیگ 25۔2024 (خواتین) میچ میں ہندوستانی خواتین کی ہاکی ٹیم کو آسٹریلیا کی خواتین ہاکی ٹیم نے 1-2 سے شکست دی۔ ہندوستانی ٹیم کی جانب سے واحد گول وشنوی وٹھل پھالکے (تیسرے منٹ) نے کیا جبکہ آسٹریلیا کی جانب سے ایمی لاٹن (37ویں منٹ) اور لیکسی پکرنگ (60ویں منٹ) نے گول کئے۔

میچ میں ہندوستانی خواتین ٹیم نے اچھی شروعات کی اور تیسرے ہی منٹ میں پہلا گول کر کے 0-1 کی برتری حاصل کر لی۔ بھارت مسلسل دباؤ ڈالتا رہا اور مسلسل حملے کرتا رہا۔ آسٹریلیا نے دوسرے کوارٹر میں اپنی کارکردگی کو بہتر بنایا اور گول کرنے کے اچھے مواقع پیدا کرنے لگے۔ دونوں ٹیموں نے گیند پر قبضہ کیا اور مڈ فیلڈ میں ایک دوسرے سے ٹکرائی لیکن دونوں طرف سے کوئی گول نہ ہوسکا۔

آسٹریلیا نے تیسرے کوارٹر میں غلبہ حاصل کیا اور ہندوستانی دفاع کے لیے مشکلات پیدا کر دیں۔ کھیل کے 37ویں منٹ میں ایمی لاٹن کے شاندار گول کی بدولت آسٹریلیا برابر کرنے میں کامیاب ہو گئی۔ میچ کے آخری کوارٹر میں دونوں ٹیمیں برابر تھیں۔ ہندوستانی ٹیم کو کئی پنالٹی کارنر ملے، لیکن ان کا فائدہ نہ اٹھا سکی۔ میچ میں 34 سیکنڈ باقی تھے جب آسٹریلیا نے پنالٹی کارنر کو گول میں تبدیل کر کے میچ 1-2 سے جیت لیا۔ ہندوستانی خواتین ہاکی ٹیم کا اگلا میچ 17 جون کو ارجنٹینا کے خلاف ہوگا۔

ہندوستھان سماچار

---------------

ہندوستان سماچار / عبدالواحد