ممبئی، 14 جون (ہ س)۔

جمعرات

کو گجرات کے احمد آباد میں ایئر انڈیا کے طیارے کے حادثے میں 241 مسافروں سمیت تقریباً

270 افراد ہلاک ہو گئے۔ شیوسینا (یو بی ٹی گروپ) کے رکن پارلیمنٹ سنجے راوت نے اس

واقعے لیکر سائبر حملے کے خدشات کا اظہار کیا ہے۔

حادثہ احمد آباد کے سردار ولبھ بھائی

پٹیل ہوائی اڈے سے لندن کے لیے روانگی کے چند سیکنڈ بعد پیش آیا۔ گجرات کے سابق وزیر

اعلیٰ وجے روپانی بھی اس حادثے میں جاں بحق ہوئے۔ اس حادثے کی تحقیقات ڈی جی سی

اے، این ایس جی، این آئی اے اور گجرات اے ٹی ایس کر رہے ہیں۔

سنجے راوت نے کہا، لوگوں میں شک

و شبہ پایا جاتا ہے، ملک اور بیرون ملک کی ایجنسیاں اس واقعے کی تحقیقات کر رہی ہیں۔

یہ طیارہ یو پی اے کے دور میں خریدا گیا تھا، اور اس وقت پرفل پٹیل کو اس حادثے کی

وضاحت کرنی پڑی تھی۔ سول ایوی ایشن سیکٹر کے لیے یہ ایک معمہ ہے کہ یہ حادثہ صرف

30 سیکنڈ میں کیسے پیش آیا، اور ایک ہی وقت میں دونوں انجن کیسے بند ہو گئے؟ اس

حوالے سے بے شمار سوالات اٹھ رہے ہیں۔ ہمارے ملک پر جاری سائبر حملے ایک سنگین

مسئلہ ہیں، اور اس حادثے میں 300 سے زائد افراد اپنی جانوں سے محروم ہوئے۔

انہوں نے مزید کہا کہ اس حادثے کے بعد

ہوائی سفر کرنے والوں کی تعداد میں کمی واقع ہو سکتی ہے۔

ہندوستھان سماچار

--------------------

ہندوستان سماچار / نثار احمد خان