نئی دہلی، 10 جون (ہ س)۔ ملک میں کورونا کے ایکٹیو کیسز کی تعداد سات ہزار کے قریب پہنچ گئی ہے۔ گزشتہ 24 گھنٹوں میں کورونا کے 324 نئے کیسز درج ہوئے ہیں۔ اس دوران تین کورونا سے متاثرہ افراد کی موت ہوئی ہے۔ یہ اموات کیرالہ، دہلی اور جھارکھنڈ میں درج کی گئی ہیں۔

وزارت صحت اور خاندانی بہبود کی طرف سے جاری کردہ اعداد و شمار کے مطابق 10 جون بروز منگل صبح 8 بجے تک ملک میں کورونا کے فعال معاملوں کی کل تعداد بڑھ کر 6815 ہو گئی ہے۔ اس کے ساتھ ہی اس انفیکشن سے 7644 مریض صحت یاب ہو چکے ہیں۔ گزشتہ 24 گھنٹوں کے دوران کورونا انفیکشن سے تین مریضوں کی موت ہوئی ہے۔ اس سے مرنے والوں کی تعداد 68 ہو گئی ہے۔

وزارت کے مطابق، کیرالہ میں اب تک سب سے زیادہ کورونا کیس رپورٹ ہوئے ہیں۔ کیرالہ میں 2053 کورونا کیسز درج کیے گئے ہیں۔ اس کے بعد گجرات میں ایکٹیو کیسز بھی ہزار سے تجاوز کر گئے ہیں۔ گجرات میں 1109 ایکٹیو کیسز ہیں۔ مغربی بنگال میں 747 کیس رپورٹ ہوئے ہیں۔ دہلی میں منگل کو کورونا کے معاملات میں کمی آئی ہے۔ دہلی میں اب 691 ایکٹیو کیسز ہیں۔

ہندوستھا ن سماچار

ہندوستان سماچار / محمد شہزاد