نئی دہلی، یکم اپریل (ہ س)۔

میانمار میں زلزلے کے بعد ہندوستان کی طرف سے شروع کیے گئے آپریشن برہما کے تحت دو بحری جہاز امدادی سامان لے کر منگل کی صبح ینگون پہنچ گئے۔ میانمار میں ہندوستانی سفیر بھرت ٹھاکر نے ینگون کے وزیر اعلیٰ یو سو تھین کو خوراک، طبی سامان اور خیموں سمیت 30 ٹن امدادی سامان حوالے کیا۔ بحریہ کا ایک جہاز آئی این ایس گھڑیال آج صبح وشاکھاپٹنم بندرگاہ سے ینگون کے لیے روانہ ہوا۔ ہندوستانی بحریہ کے جہاز کارموک اور ایل سی یو-52 کو انڈمان اور نکوبار کمان کے سری وجے پورم سے ینگون کے لیے 30 مارچ کو روانہ کیا گیا تھا۔ دونوں بحری جہاز، ضروری لباس، پینے کا پانی، خوراک، ادویات، خیمے اور ہنگامی امدادی سامان لے کر آج صبح ینگون پہنچے۔ جہاز کے عملے نے سفیر ابھے ٹھاکر کے توسط سے 30 ٹن مواد اس ملک کے وزیر اعلیٰ یو سو تھین کے حوالے کیا۔ ایک اور بحریہ کا جہاز آئی این ایس گھڑیال آج صبح وشاکھاپٹنم بندرگاہ سے تقریباً 440 ٹن وزنی امدادی سامان لے کر ینگون کے لیے روانہ ہوا جس میں چاول، خوردنی تیل اور ادویات شامل ہیں۔

بحریہ کے مطابق، آئی این ایس ست پورہ اور آئی این ایس ساوتری تقریباً 40 ٹن امدادی سامان کے ساتھ 31 مارچ کو ینگون پہنچی تھیں۔ دونوں بحری جہاز 29 مارچ کو 40 ٹن انسانی امداد لے کر ینگون کے لیے روانہ ہوئے۔ دونوں جہاز میانمار پہنچ گئے ہیں اور راحت اور بچاو¿ کام شروع کر دیا ہے۔ خطے میں پہلی جواب دہندہ کے طور پر، ہندوستانی بحریہ میانمار میں متاثرہ لوگوں کو مدد فراہم کرنے کے اپنے عزم میں ثابت قدم ہے۔ آپریشن 'برہما' کے تحت، ہندوستان نے ینگون، نیپیتاو اور منڈالے کو ہندوستانی فضائیہ کے چھ طیاروں اور پانچ ہندوستانی بحریہ کے جہازوں کا استعمال کرتے ہوئے بڑے پیمانے پر جوابی امداد فراہم کی ہے۔

ہندوستھان سماچار

ہندوستان سماچار / Mohammad Khan