جودھ پور، 19 مارچ (ہ س)۔

بدھ کی صبح شہر کے قریب بالیسر قصبے میں اسکول بس اور ٹرک کے درمیان تصادم میں بس میں سوار چھ بچے اور دو اساتذہ زخمی ہوگئے۔ راہگیر اور پولیس موقع پر پہنچ گئے اور زخمیوں کو فوری طور پر بالیسر اسپتال لے گئے۔ ابتدائی طبی امداد کے بعد کچھ کو جودھ پور ریفر کر دیا گیا۔

بالیسر تھانے کے افسر مول سنگھ نے بتایا کہ پرائیویٹ اسکول کی بس بچوں کو لے کر اسکول کی طرف جارہی تھی کہ کوئی گاو¿ں کی سرحد سے آگے بڑھنے پرایک ٹرک ڈرائیور نے موڑ لیا اور پیچھے بھاگتی بس ٹرک سے ٹکرا گئی۔ اس حادثے میں 6 بچے اور 2 خواتین اور مرد اساتذہ زخمی ہوئے۔ تمام زخمیوں کو بالیسر اسپتال لایا گیا۔ ابتدائی طبی امداد کے بعد گھر والے بچے کو علاج کے لیے جودھ پور لے گئے۔

پولیس افسر مول سنگھ نے بتایا کہ مہاویر سنگھ ولد راجندر سنگھ بھالوکلاں، کرشنا دختر ریوت سنگھ بالیسر، دیویکا دختر ریوت سنگھ بالیسر، دھرو شرما ولد شراون شرما بالیسر، ابھیمنیو ولد دیوی سنگھ مہاویر کالونی بالیسر، مہیپال ولد پارسمل چوتھ پورہ کھاریبیری زخمی ہوئے۔ ان کے ساتھ اساتذہ مظفر عالم اور پرینکا پانڈے بھی زخمی ہوئے۔ زخمیوں کو بالیسر اسپتال لایا گیا۔ کچھ کو بعد میں جودھ پور ریفر کیا گیا۔ پولیس نے حادثے کے حوالے سے پیشگی تفتیش شروع کر دی ہے۔ بچوں اور اساتذہ کی حالت اب نارمل ہے۔

ہندوستھان سماچار

ہندوستان سماچار / عطاءاللہ