جموں, 19 مارچ (ہ س)۔ عام آدمی پارٹی کے رکن اسمبلی مہراج ملک نے جموں کی عدالت کی جانب سے ان کے خلاف جاری ناقابلِ ضمانت وارنٹ پر ردعمل دیتے ہوئے اسے ذاتی معاملہ قرار دیا اور کہا کہ وہ اسمبلی میں اپنی ذمہ داریوں پر توجہ دے رہے ہیں۔ انہوں نے کہا کہ میں ایک ایم ایل اے ہوں، آپ مجھ سے اسمبلی میں ہونے والی کارروائی کے بارے میں پوچھ سکتے ہیں۔ یہ ناقابلِ ضمانت وارنٹ ایک ذاتی معاملہ ہے۔ اس کے علاوہ کوئی بھی سوال پوچھ سکتے ہیں، میں اس معاملے پر بات نہیں کرنا چاہتا، عوام اس کا خیال رکھے گی۔

مہراج ملک نے مزید کہا کہ جنہوں نے مجھے سیاست سکھائی، وہی اب مجھے قانون بھی سکھائیں گے میں نہیں جانتا کہ وارنٹ کیا ہے۔ میں اسمبلی میں عوامی مسائل میں مصروف ہوں یہ ناقابلِ ضمانت وارنٹ ہے، مجھے گرفتار بھی کیا جا سکتا ہے اور ضمانت بھی مل سکتی ہے۔ اس سے زیادہ کیا ہو سکتا ہے؟ میں نے کسی کو قتل نہیں کیا کوئی معمولی مسئلہ ہوگا، مجھے اس کی تفصیل معلوم نہیں۔ قانونی کارروائی کے باوجود، ملک نے جموں و کشمیر کی حکمرانی کو اہم معاملہ قرار دیتے ہوئے کہا کہ اصل مسئلہ یہ ہے کہ جموں و کشمیر میں حکومت بنی ہے اور وہ ایوان میں کیا کر رہی ہے، کیا وہ عوام سے کیے گئے وعدے پورے کر رہی ہے۔

ہندوستھان سماچار

---------------

ہندوستان سماچار / محمد اصغر