سرینگر، 19 مارچ، (ہ س )سائبر پولیس کشمیر نے کامیابی کے ساتھ آن لائن دھوکہ دہی کے متاثرین کو 45 لاکھ روپے واپس کر دیے ہیں۔ تفصیلات کے مطابق سائبر یونٹ کی تیزی سے مداخلت نے نہ صرف مزید مالی نقصانات کو روکا بلکہ ڈیجیٹل گھوٹالوں کے خلاف قانون نافذ کرنے والی کوششوں میں عوام کے اعتماد کو بھی تقویت بخشی۔عہدیداروں نے کہا کہ ایسے افراد کی طرف سے متعدد شکایات موصول ہوئی ہیں جو مختلف آن لائن فراڈ اسکیموں کا شکار ہوئے تھے، جن میں دھوکہ دہی پر مبنی سرمایہ کاری ایپس، اور نوکری کی جعلی پیشکشیں شامل ہیں۔ فوری طور پر کارروائی کرتے ہوئے، سائبر پولیس نے دھوکہ دہی والے لین دین کا سراغ لگایا اور اس بات کو یقینی بنایا کہ چوری شدہ رقوم صحیح مالکان کو واپس کر دی جائیں۔سائبر جرائم پیشہ افراد کی بڑھتی ہوئی کارروائی کو اجاگر کرتے ہوئے سائبر پولیس کشمیر نے عوام پر زور دیا کہ وہ ڈیجیٹل فراڈ کے خلاف چوکس رہیں۔ ایک آفیشل ایڈوائزری میں کہا گیا ہے کہ سائبر فراڈ کرنے والے افراد سے ہوشیار رہے - حکام نے ذاتی مالی تفصیلات کی حفاظت کی اہمیت کا اعادہ کیا۔ شہریوں کو مشورہ دیا گیا ہے کہ وہ کبھی بھی او ٹی پی، بینک کی اسناد شیئر نہ کریں یا مشکوک لنکس پر کلک نہ کریں۔ کسی بھی سائبر فراڈ کی صورت میں، سائبر پولیس کشمیر کو فوری اطلاع دینے یا سائبر کرائم ہیلپ لائن 1930 پر ڈائل کرنے سے فنڈ کی وصولی کے امکانات بڑھ سکتے ہیں۔

ہندوستھان سماچار

ہندوستان سماچار / Mir Aftab