نئی دہلی، 13 مارچ (ہ س)۔ گھریلو شیئر بازار میں آج شروعاتی کاروبار کے دوران مسلسل اتار چڑاو نظر آرہا ہے۔ آج کے کاروبار کی شروعات مضبوطی کے ساتھ ہوئی تھی، لیکن بازار کھلتے ہی فروخت کا دباو بن جانے کی وجہ سے سینسیکس اور نفٹی دونوں انڈیکسوں میں چال میں گراوٹ آگئی۔ فروخت کے دباو کی وجہ سے نفٹی بھی کچھ وقت کے لیے سرخ نشان میں گر گیا۔ تاہم اس کے فوراً بعد خریداری کی حمایت کی وجہ سے اس انڈیکس نے دوبارہ سبز نشان میں جگہ بنالی۔ کاروبار کے پہلے ایک گھنٹے کے بعد، سینسیکس 0.35 فیصد اور نفٹی 0.31 فیصد کے اضافے کے ساتھ کاروبار کر رہے تھے۔

کاروبار کے ابتدائی ایک گھنٹے کے بعد شیئر مارکیٹ کے بڑے شیئروں میں او این جی سی، بھارت الیکٹرانکس، ٹاٹا اسٹیل، انڈس انڈ بینک اور اسٹیٹ بینک آف انڈیا کے شیئر 1.97 فیصد سے لیکر 0.63 فیصد کے اضافے کے ساتھ کاروبار کر رہے تھے۔ دوسری طرف شری رام فائنانس، بجاج آٹو، اڈانی پورٹس، آئی ٹی سی اور اپولو ہاسپٹل کے شیئر 1.28 فیصد سے لیکر 0.74 فیصد کی گراوٹ کے ساتھ کاروبار کرتے نظر آرہے تھے۔

موجودہ کاروبار میںشیئر مارکیٹ میں 2,380 شیئروں میں ایکٹو ٹریڈنگ ہورہی تھی۔ ان میں سے 1,345 حصص منافع کماکر سبز نشان میں جبکہ 1,035 شیئر نقصان اٹھاکر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 23 شیئر خرید کی حمایت کے ساتھ سبز نشان میں برقرار تھے۔ دوسری جانب فروخت کے دباو کے باعث 7 شیئر سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 28 شیئر سبز نشان میں اور 22 شیئر سرخ نشان میں کاروبار کرتے نظر آرہے تھے۔

بی ایس ای کا سینسیکس آج 362.78 پوائنٹس کے اضافے کے ساتھ 74,392.54 پوائنٹس پر کھلا۔ بازار کھلتے ہی خریداروں اور بیچنے والوں کے درمیان رسہ کشی شروع ہو گئی جس کی وجہ سے اس انڈیکس کی حرکت میں مسلسل اتار چڑھاو آنے لگا۔ خریداری کی حمایت کی وجہ سے سینسیکس 74,400 پوائنٹس کی سطح کو عبور کر گیا۔ وہیں فروخت کے دباو کی وجہ سے اس نے 74,046.43 پوائنٹس تک غوطہ لگایا۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10.15 بجے سینسیکس 260.58 پوائنٹس کے اضافے کے ساتھ 74,290.34 پوائنٹس کی سطح پر کاروبار کر رہا تھا۔

سینسیکس کی طرح این ایس ای کے نفٹی نے بھی آج 70 پوائنٹس کی چھلانگ لگاکر 22,541.50 پوائنٹس پر تجارت شروع کی۔ مارکیٹ کھلتے ہی فروخت کے دباو کی وجہ سے یہ انڈیکس 22,460.40 پوائنٹس تک گر گیا۔ تاہم اس کے بعد خریداروں نے خریداری شروع کردی جس کی وجہ سے اس انڈیکس کی نقل و حرکت میں اضافہ ہوا۔ مارکیٹ میں لگاتار خرید و فروخت کے درمیان ابتدائی 1 گھنٹے کی تجارت کے بعد صبح 10.15 بجے نفٹی 69.65 پوائنٹس کے اضافے کے ساتھ 22,540.15 پوائنٹس کی سطح پر کاروبار کر رہا تھا۔

ہندوستھان سماچار

ہندوستان سماچار / انظر حسن