نئی دہلی، 30 دسمبر (ہ س)۔ ملک کی راجدھانی کے اندرا گاندھی انٹرنیشنل (آئی جی آئی) ایئرپورٹ پر کوہرے کی وجہ سے ہوئی پریشانی کے بعد ویزیبلٹی بہتر ہونے پر آج فلائٹس کا آپریشن خوش اسلوبی سے چل رہا ہے۔

اندرا گاندھی انٹرنیشنل ایئرپورٹ آپریٹر دہلی انٹرنیشنل ایئرپورٹ لمیٹڈ (ڈائل) نے بیان میں کہا کہ ویزیبلٹی بہتر ہونے کے بعد آئی جی آئی ایئرپورٹ پر فلائٹ آپریشن خوش اسلوبی سے چل رہے ہیں۔ ڈائل نے مسافروں کے لیے جاری ایڈوائزری میں اعتماد ظاہر کیا ہے کہ مسافروں کی مدد کرنے اور ضروری مدد دینے کے لیے ایئرپورٹ کے سبھی ٹرمینلوں پر گراونڈ اسٹاف موجود ہے۔

ڈائل نے کہا کہ شہر میں پہلے گھنے کوہرے کے بعد ویزیبلٹی میں سدھار ہونے سے فلائٹ آپریشن خوش اسلوبی سے چل رہے ہیں۔ مسافروں کے لیے جاری ایڈوائزری میں صلاح دی گئی ہے کہ وہ لیٹسٹ فلائٹ شیڈول کے لیے اپنی اپنی ایئر لائنز سے رابطہ کریں۔ دراصل اس سے پہلے دہلی میں گھنے کوہرے کی وجہ سے اندرا گاندھی انٹرنیشنل ایئرپورٹ پر کافی دقتیں ہوئیں، جس سے فلائٹس میں تاخیر ہوئی اور کئی فلائٹس کینسل ہو گئی تھیں۔

ہندوستھان سماچار

---------------

ہندوستان سماچار / انظر حسن