نئی دہلی، 22 دسمبر (ہ س)۔ شہری ہوا بازی کی وزارت نے پیر کو ایئر انڈیا کی پرواز اے آئی -887 کے ٹیک آف کے فوراً بعد تکنیکی خرابی کا نوٹس لیا۔ وزارت نے ہوا بازی کے ریگولیٹر ڈائریکٹوریٹ جنرل آف سول ایوی ایشن (ڈی جی سی اے) سے اس کی مکمل تحقیقات کرکے تفصیلی رپورٹطلب کی ہے۔ تاہم طیارہ بحفاظت لینڈ کر گیا ، اس میں سوار تمام مسافر محفوظ ہیں۔

آج صبح ممبئی جانے والی ایئر انڈیا کی پرواز کو انجن میں خرابی کی وجہ سے ٹیک آف کے تقریباً ایک گھنٹہ بعد دہلی واپس جانا پڑا۔اس بوئنگ 777 میں تقریباً 355 افراد سوار تھے۔ ایئر انڈیا کے عملے نے معیاری آپریٹنگ طریقہ کار کے مطابق تکنیکی خرابی کی وجہ سے ٹیک آف کے فوراً بعد دہلی واپس آنے کا فیصلہ کیا۔

وزارت نے ڈائریکٹوریٹ جنرل آف سول ایوی ایشن کو بھی اس معاملے کی مکمل تحقیقات کرنے کی ہدایت کی ہے۔ وزارت نے ایئر لائن کو مسافروں کو ہر ممکن مدد فراہم کرنے اور انہیں ان کی اگلی پروازوں میں جگہ دینے کی بھی ہدایت کی۔ وزارت نے کہا کہ فلائٹ اے آئی -887 بحفاظت لینڈ کر گئی اور مسافروں کی حفاظتان کے لئے سب سے ضروریہے۔

ایئر انڈیا نے شہری ہوا بازی کی وزارت کی طرف سے جاری کردہ ہدایت کا جواب دیا ہے۔ ایئر لائن نے کہا کہ اس کی گراو¿نڈ ٹیموں نے تمام مسافروں کو ان کے انتظار کے دوران مدد کی اور ریفریشمنٹ فراہم کی۔ ایئر انڈیا کے سینئر نمائندوں نے ذاتی طور پر زمین پر مسافروں سے ملاقات کی اور وہ کسی بھی قسم کی مدد فراہم کرنے کے لیے دستیاب تھے۔ ایئر انڈیا اپنے مسافروں کو ہونے والی تکلیف پر معذرت خواہ ہے۔

ہندوستھان سماچار

ہندوستان سماچار / محمد شہزاد