ممبئی

، 19 دسمبر(ہ س)۔ مہاراشٹر کے وزیر اعلیٰ دیویندر فڑنویس نے کہا

ہے کہ ہندو دھرم کو محض مذہب کے دائرے میں محدود نہیں کیا جا سکتا، بلکہ یہ زندگی

گزارنے کا ایک جامع نظریہ اور فلسفہ ہے۔ انہوں نے کہا کہ یہ ایک ایسا قدیم نظام ہے

جس نے ہزاروں سالوں تک بھارتی ثقافت کو محفوظ رکھا ہے۔ ان کے مطابق بھارتی تہذیب،

جسے سندھ تہذیب بھی کہا جاتا ہے، دنیا کی واحد تہذیب ہے جو مسلسل قائم رہی ہے۔

وہ جمعہ

کے روز ممبئی میں ورلڈ ہندو اکنامک فورم کانفرنس سے خطاب کر رہے تھے۔ وزیر اعلیٰ

نے کہا کہ شواہد اس بات کی تصدیق کرتے ہیں کہ بھارتی تہذیب پتھر کے زمانے میں بھی

ترقی یافتہ تھی۔ انہوں نے کہا کہ دنیا میں قیادت وہی قومیں کرتی ہیں جو معاشی طور

پر خوشحال ہوتی ہیں، اس لیے بھارت کو بھی خود کو ایک مضبوط اور خوشحال ملک کے طور

پر ابھارنا ہوگا۔

فڑنویس

نے مزید کہا کہ بھارت ہمیشہ سے اختراع اور نئی سوچ کا مرکز رہا ہے۔ ان کے مطابق جب

فلکیات اور جغرافیہ جیسے علوم باقاعدہ شکل میں موجود نہیں تھے، تب بھی یہ علم ہماری

قدیم تہذیبی ساخت کا حصہ تھا۔

ہندوستھان

سماچار

ہندوستان سماچار / جاوید این اے