نئی دہلی، 16 دسمبر (ہ س)۔ شمال مشرقی دہلی کے جعفرآباد تھانہ علاقے میں پیر کی رات تقریبا 1:40 بجے ایک سنسنی خیز فائرنگ کا واقعہ پیش آیا۔ اطلاع ملنے پر پولیس موقع پر پہنچی اور ایک نوجوان کو مردہ حالت میں پایا۔ تفتیش سے معلوم ہوا کہ مقتول فیصل (31) جعفرآباد کا رہائشی تھا۔واقعے میں فیصل کا بھائی ندیم (33) بھی شدید زخمی ہوا۔ اس کے اہل خانہ اسے فوری طور پر جے پی سی اسپتال لے گئے، جہاں ڈاکٹروں نے اسے مردہ قرار دے دیا۔ دونوں بھائیوں کے قتل سے علاقے میں خوف وہراس پھیل گیا۔

پولیس افسر کے مطابق پولیس نے قتل کا مقدمہ درج کر لیا ہے۔ کرائم اور فرانزک ٹیموں نے جائے وقوعہ سے شواہد اکٹھے کر لیے ہیں۔ ملزمان کی شناخت اور گرفتاری کے لیے پولیس کی متعدد ٹیمیں تشکیل دے دی گئی ہیں۔ پولیس کے مطابق دونوں لاشوں کو پوسٹ مارٹم کے لیے بھیج دیا گیا ہے۔ واقعے کے پیچھے محرکات اور ملزمان کے بارے میں معلومات اکٹھی کی جارہی ہیں۔ تفتیش جاری ہے۔

ہندوستھان سماچار

ہندوستان سماچار / Mohammad Khan