چنڈی گڑھ، 16 دسمبر (ہ س)۔

ہریانہ کے وزیر اعلیٰ نائب سنگھ سینی نے ہانسی کو ایک نیا ضلع بنانے کا اعلان کیا ہے۔ وزیر اعلیٰ نے یہ اعلان منگل کو ہانسی میں ایک ریلی کے دوران کیا۔ ہانسی ہریانہ کا 23 واں ضلع ہوگا۔

وزیر اعلیٰ نائب سینی نے کہا کہ 2017 میں سابق وزیر اعلیٰ منوہر لال کھٹر نے ہانسی کو پولیس ضلع بنایا تھا۔ انتخابات سے قبل جب انہوں نے ہانسی کا دورہ کیا تو ضابطہ اخلاق نافذ تھا جس کی وجہ سے عوام کا مطالبہ پورا نہیں ہوا۔

وزیر اعلیٰ نے جیسے ہی ہانسی میں یہ اعلان کیا، لوگوں نے کھڑے ہو کر تالیاں بجائیں۔ اسٹیج سے وزیر اعلیٰ نے دعویٰ کیا کہ ہانسی کو ضلع بنانے کا نوٹیفکیشن ایک ہفتے کے اندر جاری کر دیا جائے گا۔

ہریانہ حکومت کی جانب سے نئے اضلاع اور تحصیلوں کے قیام کے لیے بنائی گئی کمیٹی نے گزشتہ ہفتے وزیر اعلیٰ کو اپنی رپورٹ پیش کی تھی۔ ڈرافٹ پلان کے تحت، ہانسی دو سب ڈویژنوں، تین تحصیلوں اور ایک سب تحصیل کو شامل کرے گا۔ اس میں 97 ریونیو گاو¿ں اور 110 گرام پنچایتیں شامل ہوں گی۔

ہندوستھان سماچار

ہندوستان سماچار / عطاءاللہ