گیا جی،16دسمبر(ہ س)۔ نائب وزیر اعلیٰ سمراٹ چودھری نے بہار کے گیا میں مافیا کو خبردار کیا ہے۔ مافیا کو وارننگ دیتے ہوئے نائب وزیر اعلیٰ نے کہا کہ میں تمام مافیا کو ٹھیک کرنے آیا ہوں، اس بار مجھے وزیر داخلہ کا قلمدان بھی دیا گیا ہے، میں سب کے ساتھ ایسا سلوک کروں گا کہ انہیں گڈ گورننس یاد آئے۔
سمراٹ چودھری نے گیا میں مافیا کو وارننگ دی ہے۔ انہوں نے کہا، مجھے تمام مافیا کو ٹھیک کرنے کا کام سونپا گیا ہے۔ یہ میرا کام ہے۔ میں ان کے ساتھ ایسا سلوک کروں گا کہ انہیں بہار میں نتیش کمار کی گڈ گورننس یاد آئے۔ میرا بلڈوزر بھی اس وقت بہار میں چل رہا ہے۔ میرے پاس ایسے بہت سے کام ہیں تاکہ مجرموں اور مافیا پر مکمل قابو پایا جا سکے۔
نائب وزیر اعلیٰ چودھری نے بھی نکسلیوں کو خبردار کرتے ہوئے کہا کہ آنے والے چند مہینوں میں نکسل یا تو جیل میں ہوں گے یا پھر ان کی موت کی جگہ گیاجی ہے اور میں انہیں وہاں بھیجوں گا۔ انہوں نے انہیں وزیراعظم کے الفاظ بھی یاد دلائے۔ انہوں نے کہا کہ وزیر اعظم نریندر مودی نے کہا ہے کہ بہار کو 31 مارچ 2026 تک نکسل سے پاک کر دیا جائے گا۔ اس کے نتیجے میں نکسلائیٹ یا تو آنے والے مہینے کے اندر جیل میں ہوں گے یا ان کے اصل مقام گیاجی بھیجے جائیں گے۔
سمراٹ چودھری نے بدلتے ہوئے بہار پر بھی تبادلہ خیال کرتے ہوئے کہا کہ پہلے جب سڑکوں سے رابطہ نہیں تھا تو گیا سے پٹنہ جانے میں گھنٹوں لگ جاتے تھے۔ اب یہ فاصلہ صرف ڈیڑھ گھنٹے کا رہ گیا ہے۔ یہ بدلتے ہوئے بہار کی پہچان ہے۔
نائب وزیزاعلیٰ سمراٹ چودھری پرائیویٹ مہابودھی میڈیکل کالج اینڈ اسپتال کی افتتاحی تقریب میں شرکت کے لیے گیا میں تھے۔ افتتاح کے بعد اپنے خطاب میں انہوں نے کئی اہم باتیں کیں۔ انہوں نے یہ بھی کہا کہ بہار کے بچے بیرون ملک نہیں جائیں گے۔ انہوں نے کہا کہ آئندہ پانچ سالوں میں وہ بہار میں ایسی صورتحال پیدا کریں گے کہ بہار کے بچے بہار نہیں چھوڑیں گے اور انہیں بہار میں ہی کام مل جائے گا۔
انہوں نے کہا کہ مجرموں کو کسی قیمت پر نہیں بخشا جائے گا۔ بہار میں ترقی ہو رہی ہے، اور اس کی پہچان یہ ہے کہ دور دراز علاقوں میں مہابودھی میڈیکل کالج اینڈ اسپتال جیسے ادارے کھل رہے ہیں۔
1979 سے 2000 تک بہار میں میڈیکل کالج نہیں تھے لیکن اب بہار بدل گیا ہے اور آنے والے 3 سالوں میں پورے بہار میں میڈیکل کالج بنانے کا کام کیا جائے گا۔
ہندوستھان سماچار
ہندوستان سماچار / Mohammad Afzal Hassan
