نالندہ،15دسمبر(ہ س)۔بہار کے سیاحتی شہر راجگیر میں چھیڑ چھاڑ کا معاملہ سامنے آیا ہے۔ بہار شریف کی ایک نابالغ لڑکی دو دوستوں کے ساتھ وپل گیری پہاڑ پر گئی تھی۔ پہاڑ پر چڑھتے وقت چار نوجوانوں نے ان کا پیچھا کیا اور ایک ویران علاقے میں لڑکی کے دوست کی پٹائی کی اور اسے بھگا دیا۔ملزمین نے نابالغ لڑکی کو زبردستی جنگل میں لے جانے کی کوشش کی اور اس کے ساتھ بدفعلی کی۔ متاثرہ کا دوست پہاڑ سے نیچے بھاگا اور مقامی لوگوں اور دیگر سیاحوں سے مدد طلب کی۔ سیاحوں نے فوری طور پر ڈائل 112 پر اطلاع دی۔اطلاع ملتے ہی راجگیر کے ڈی ایس پی سنیل کمار اور ہلسا ڈی ایس پی کماری شیلجا جائے وقوعہ پر پہنچے۔ ڈائل 112 کی ٹیم نے تیزی سے کارروائی کرتے ہوئے پہاڑ پر چھاپہ مارا اور ایک ملزم کو گرفتار کر لیا۔ باقی تین فرار ہو گئے۔ پولیس نے نابالغ لڑکی کو بحفاظت نکال لیا۔گرفتار ملزم کی شناخت راجگیر تھانہ علاقہ کے ایک نوجوان کے طور پر ہوئی ہے۔ راجگیر تھانہ انچارج رمن کمار نے بتایا کہ نوجوان کو گرفتار کر لیا گیا ہے۔ متاثرہ نے اس کی شناخت کر لی ہے۔ پولیس نے پہاڑ کو گھیرے میں لے کر دیگر ملزمین کی تلاش تیز کر دی ہے۔

ہندوستھان سماچار

ہندوستان سماچار / Mohammad Afzal Hassan