نئی دہلی، 7 نومبر(ہ س)۔عالمی یوم اردو کی سب سے اہم تقریب اس سال 9 نومبر بروز اتوار کو غالب اکیڈمی، بستی حضرت نظام الدین، نئی دہلی میں صبح گیارہ بجے منعقد ہو گی۔ پروگرام کی صدارت ماہر اقبالیات پروفیسر عبدالحق کریں گے۔ عالمی یوم اردو کے قومی کنوینر ڈاکٹر سید احمد خاں نے بتایا کہ حسب سابق اس سال بھی متعدد اہم شخصیات کو، اردو کے لیے ان کی خدمات کے اعتراف میں اعزاز سے نوازا جائے گا۔ اس موقع پر ایک یادگاری مجلّہ بھی جاری کیا جائے گا۔ اس سال یہ مجلہ معروف صحافی عالم نقوی کی حیات و خدمات پر مشتمل ہے۔ ڈاکٹر خان نے بتایا کہ اردو ڈیولپمنٹ آرگنائزیشن کی جانب سے عالمی شہرت یافتہ اردو شاعر اور قومی ترانہ ہند کے تخلیق کار علامہ اقبال کی یوم پیدائش کی مناسبت سے 9 نومبر کو ’عالمی یوم اردو‘ منانے کا سلسلہ 1997 سے جاری و ساری ہے۔

انہوں نے بتایا کہ اس سال پروفیسر بلقیس بانو(شعبہ بایو کیمسٹری، فیکلٹی آف لائف سائنسز، علی گڑھ مسلم یونیورسٹی) کو لائف ٹائم اچیومنٹ ایوارڈ اور ڈاکٹر رو¿ف خیر (حیدرآباد) کو علامہ محمد اقبال ایوارڈ برائے ادب دیا جا رہا ہے۔ ان کے ساتھ ہی پروفیسر کوثر مظہری (جامعہ ملیہ اسلامیہ، نئی دہلی) کو مرزا غالب ایوارڈ برائے شاعری، پروفیسر زہرہ خاتون (جامعہ ملیہ اسلامیہ، نئی دہلی) کو مولانا علی میاں ایوارڈ برائے اردو فارسی زبان، ڈاکٹر عقیل احمد (سکریٹری، غالب اکیڈمی، نئی دہلی) کو مولانا عبدالماجد دریابادی ایوارڈ برائے زبان و ادب، کے ایل نارنگ ساقی (نئی دہلی) کو کنور مہندر سنگھ بیدی ایوارڈ برائے ادب، یاسین مومن (ممبئی) کو قاضی محمد عدیل عباسی ایوارڈ برائے ترویج زبان اردو دیا جائے گا۔ محترمہ ٹی این بھارتی ( سیدہ طلعت نسرین، نئی دہلی) کو نور جہاں ثروت ایوارڈ برائے صحافت، سیّد زبیر احمد (مسلم میرر، نئی دہلی) کو مولانا عثمان فارقلیط ایوارڈ برائے صحافت، مولانا عبدالحمید نعمانی (نئی دہلی) کو مولانا ثناءاللہ امرتسری ایوارڈ برائے کالم نویسی، عبدالمنان (ایڈیٹر یوجنا اردو، نئی دہلی) کو مولانا محمد مسلم ایوارڈ برائے صحافت، جمشید اقبال خان (آج تک، نئی دہلی) کو امین سیانی ایوارڈ برائے الیکٹرانک میڈیا، سوربھ شکلا (ریڈ مائک، نئی دہلی) کو پنڈت دیونرائن پانڈے ایوارڈ برائے صحافت، عابد حسین انور (یو این آئی اردو، نئی دہلی) کو محفوظ الرحمن ایوارڈ برائے صحافت، شہرت انصاری (خلیل آباد، یوپی) کو امداد صابری ایوارڈ برائے صحافت دیا جا رہا ہے۔

دیگر ایوارڈ یافتگان میں حفیظ الرحمن (شارق عدیل، مارہرہ، ضلع ایٹہ، یوپی) اسماعیل میرٹھی ایوارڈ برائے شاعری، محمد یامین ذکی (ایڈیٹر ہلال، رامپور) ڈاکٹر ذاکر حسین ایوارڈ برائے ادب اطفال، فاروق احمد (دور درشن، دہلی) علمت یٰسین ایوارڈ برائے فروغ اردو، پروفیسر ڈاکٹر ضیاءالرحمن صدیقی (علی گڑھ) مظہرالدین خاں ایوارڈ برائے درس و تدریس، ماسٹر اقبال احمد (سابق ہیڈ ماسٹر جامعہ مڈل اسکول، نئی دہلی) مقبول احمد صدیقی ایوارڈ برائے بہترین معلم، پروفیسر عبدالمجید محمد صدیق صدیقی (مالیگاﺅں) مولانا آزاد ایوارڈ برائے فروغ تعلیم اور قومی یکجہتی، پروفیسر خالد مبشر (جامعہ ملیہ اسلامیہ، نئی دہلی) حفیظ میرٹھی ایوارڈ برائے نعتیہ شاعری، ڈاکٹر ابراہیم افسر (میرٹھ) نصیرالدین ہاشمی ایوارڈ برائے اردو تحقیق، ڈاکٹر عزیر احمد (اسلام پور، مغربی بنگال) مولوی عبدالحق ایوارڈ برائے ادب، ڈاکٹر نہال ناظم (مرادآباد) ڈاکٹر ابوالفیض عثمانی ایوارڈ برائے فروغ ادب شامل ہیں۔ ڈاکٹر ابوسعد اثری (جھنڈا نگر، نیپال) کو انڈونیپال فرینڈشپ ایوارڈ اور ہدایت پبلی کیشنز، نئی دہلی (مالک سیّد ابوالاعلیٰ سبحانی) کو منشی نول کشور ایوارڈ برائے نشر و اشاعت دیا جا رہا ہے۔ڈاکٹر سیّد احمد خاں نے عالمی یوم اردو ایوارڈز یافتگان سے فروغ اردو میں نمایاں کردار نبھانے کی امید ظاہر کی ہے۔

ہندوستھان سماچار

ہندوستان سماچار / Md Owais Owais