بھوپال، 19 نومبر (ہ س)۔

مدھیہ پردیش کی راجدھانی بھوپال کے گاندھی نگر تھانہ علاقے میں منگل کی دیر رات بدمعاشوں نے راجا بھوج کمپلیکس میں جم کر ہنگامہ کیا۔ اس دوران بدمعاشوں نے دو کاروں کو نشانہ بناتے ہوئے جم کر توڑ پھوڑ کی۔ واردات کے دوران دو بدمعاشوں کے ہاتھ میں چاقو بھی دکھائی دے رہے ہیں۔ دہشت پھیلانے کے بعد ملزمان موقع سے فرار ہو گئے۔ پوری واردات سی سی ٹی وی کیمروں میں قید ہو گئی ہے۔ فی الحال پولیس نے معاملہ درج کر کے تحقیقات شروع کر دی ہے۔

موصولہ اطلاعات کے مطابق پورا معاملہ منگل کی رات تقریباً 2 بجے کا ہے۔ گونڈی پورہ جیل روڈ پر واقع راجا بھوج کمپلیکس میں 6 نامعلوم بدمعاشوں نے جم کر غدر مچایا۔ بلیٹ پر سوار بدمعاش کمپلیکس میں گھستے ہی ’’بلینو، بلینو‘‘ چلا رہے تھے۔ ان کا نشانہ بلینو کار تھی، لیکن صحیح معلومات نہ ہونے کے باعث انہوں نے سامنے کھڑی دیگر گاڑیوں کو بھی نقصان پہنچایا۔ نقصان پہنچنے والی گاڑیوں میں مہیش ٹھاکر کی کار بھی شامل ہے۔

متاثرہ افراد نے بتایا کہ جن بدمعاشوں نے حملہ کیا، ان کا ان سے کوئی لینا دینا نہیں ہے، نہ ہی کسی طرح کی کوئی رنجش ہے۔ ملزمان پوری طرح نامعلوم ہیں اور واردات کے بعد موقع سے فرار ہو گئے۔ گاندھی نگر تھانہ انچارج برجیندر مرس کولے نے بتایا کہ متاثرہ فریق تھانے پہنچ گیا ہے۔ پولیس کی ٹیمیں علاقے میں مسلسل سرچنگ کر رہی ہیں، جلد کارروائی کی جائے گی۔

ہندوستھان سماچار

---------------

ہندوستان سماچار / انظر حسن