بھوپال، 17 نومبر (ہ س)۔ مدھیہ پردیش کے دارالحکومت بھوپال میں منعقد ہونے والے عالمی تبلیغی اجتماع 2025 کا آج سب سے اہم دن ہے۔ دعاء خاص صبح 10 بجے سے دوپہر 1:30 بجے تک ہوگی۔ اس سے تین روزہ اجتماع کا اختتام ہوگا۔ اجتماع انتظامیہ کے مطابق اس بار 10 سے 12 لاکھ سے زائد زائرین کی شرکت متوقع ہے۔ مولانا زکریا خطبہ دیں گے جبکہ حضرت مولانا سعد صاحب اختتامی خطاب فرمائیں گے اوردعا کرائیں گے۔

گھاسی پورہ اتکھیڑی میں 14 سے 17 نومبر تک ہونے والے عالمی تبلیغی اجتماع کے دوران شہر میں ٹریفک کے مناسب انتظامات کئے گئے ہیں۔ لاکھوں افراد کی متوقع آمد کے پیش نظر بھوپال ٹریفک پولیس نے ایک خصوصی ٹریفک پلان جاری کیا ہے۔ اتنی بڑی بھیڑ کی وجہ سے انتظامیہ نے سیکورٹی اور ٹریفک مینجمنٹ دونوں کے لیے ایک خاص حکمت عملی تیار کی ہے۔ پولیس، ہوم گارڈز اور ٹریفک عملہ اجتماعی جگہ کی طرف جانے والی اہم سڑکوں پر تعینات ہے۔ ہجوم کومنظم کرنے کے لیے روٹ ڈائیورشن، اضافی پارکنگ، اور پیدل چلنے والوں کے کراسنگ کو ہموار کیا گیا ہے۔ ریلوے اسٹیشن اور بس اسٹینڈ پر اضافی ٹکٹ کاؤنٹر، اے ٹی وی ایم مشینیں اور سیکورٹی فورسز کو تعینات کیا گیا ہے۔ بھوپال اسٹیشن پر پلیٹ فارم نمبر 6 کی پارکنگ کو اجتما کے دوران عارضی طور پر بند کر دیا گیا ہے۔

ان ٹرینوں میں اضافی کوچز شامل کیے جائیں گے:

ٹرین نمبر 18235 - بھوپال-بلاسپور ایکسپریس: 17 اور 18 نومبر 2025۔ ایک اضافی جنرل کوچ کا اضافہ کیا جائے گا۔

ٹرین نمبر 14814 - بھوپال-جودھپور ایکسپریس: 17 اور 18 نومبر 2025۔ ایک اضافی جنرل کوچ کا اضافہ کیا جائے گا۔

ہندوستھان سماچار

---------------

ہندوستان سماچار / عبدالواحد