جموں, 15 نومبر (ہ س)۔

جموں و کشمیر کے ضلع سانبہ میں نالے کی کھدائی کے دوران ایک زنگ آلود مارٹر شیل برآمد ہونے پر علاقے میں کشیدگی کی صورتحال پیدا ہوگئی۔ حکام کے مطابق یہ شیل صبح 10 بجے ایک تعلیمی ادارے کے نزدیک کام کے دوران مزدوروں کی نظر میں آیا۔

اطلاع ملتے ہی متعلقہ پولیس اسٹیشن کی ٹیم موقع پر پہنچ گئی اور علاقے کو مکمل طور پر سیل کرکے سیکورٹی گھیرے میں لے لیا تاکہ کسی بھی ممکنہ خطرے سے بچا جا سکے۔

حکام نے بتایا کہ بم اسکواڈ کو فوری طور پر طلب کیا گیا ہے، جو شیل کو محفوظ طریقے سے ناکارہ بنانے کے لیے کارروائی میں مصروف ہے۔

انہوں نے کہا کہ شیل میں اعلیٰ درجے کا دھماکہ خیز مواد موجود ہونے کا خدشہ ہے، جس کے پیش نظر تمام حفاظتی اقدامات سخت کر دیے گئے ہیں۔

ہندوستھان سماچار

---------------

ہندوستان سماچار / محمد اصغر