مہا گٹھ بندھن کے حق میں پورے بہار میں لہر، ناکام ہوگا تمام ایگزٹ پول : ادے نارائن سنگھجموئی، 13 نومبر(ہ س)۔ بہار اسمبلی انتخابات کے نتائج سے ٹھیک ایک دن قبل آر جے ڈی کے سینئرلیڈر اور جموئی ضلع کی سکندرا اسمبلی سیٹ سے مہاگٹھ بندھن کے امیدوار ادے نارائن چودھری نے ایک جرات مندانہ دعویٰ کیا ہے۔ سابق اسپیکر چودھری نے کہا کہ عوام کی اندرونی لہر مہاگٹھ بندھن کے حق میں ہے اور تیجسوی یادو 14 نومبر کو نتائج کا اعلان ہونے پر مکمل اکثریت کے ساتھ حکومت بنائیں گے۔ انہوں نے ایگزٹ پول کو فرضی پروپیگنڈا قرار دیا۔ادے نارائن چودھری نے میڈیا سے بات کرتے ہوئے زور دیا کہ مہا گٹھ بندھن جموئی ضلع کی چاروں اسمبلی سیٹوں پر جیتنا یقینی ہے۔ عوامی حمایت رجحانات سے زیادہ مضبوط ہے۔ ایک انڈر کرنٹ ہے، جو نتائج میں ظاہر ہوگا۔ادے نارائن چودھری نے انتخابی انتظامیہ پر سنگین سوالات اٹھاتے ہوئے الزام لگایا کہ ضلع الیکشن افسر امیدواروں کو اعتماد میں نہیں لے رہے ہیں۔ انہوں نے کہا، شام کو ہیلی کاپٹر اتر رہے ہیں۔ ڈھکی ہوئی گاڑیاں گنتی کے مقام پر جا رہی ہیں۔ انہوں نے یہ بھی الزام لگایا کہ ملک کے وزیر داخلہ امت شاہ انتخابات کے دوران پٹنہ میں کیمپ کر رہے ہیں۔ انہوں نے کہا کہ وزیر داخلہ کے پاس پورے ملک کا کام ہے تو وہ پٹنہ میں کیوں ہیں؟۔ اس کے علاوہ وہ جہاں بھی گئے وہاں سی سی ٹی وی کیمرے بند کر دیے گئے۔ ایسا کیوں کیا گیا؟ آر جے ڈی لیڈر نے جموئی کی چاروں سیٹوں: سکندرا، جموئی، چکئی اور جھاجھا پر مہا گٹھ بندھن کی جیت کے اپنے دعوے کو دہرایا۔ انہوں نے کہا کہ 'مودی میڈیا فرضی ایگزٹ پول دکھا رہا ہے لیکن جب ووٹوں کی گنتی کے بعد عوامی حمایت سامنے آئے گی تو تمام فرضی پول تباہ ہو جائیں گے۔ انہوں نے ووٹروں سے اپیل کی کہ وہ صبر سے کام لیں اور نتائج کا انتظار کریں۔ انڈر کرنٹ اتنا مضبوط ہے کہ اسے کوئی نہیں روک سکتا۔ہندوستھان سماچار

ہندوستان سماچار / Mohammad Afzal Hassan